ആറ്റിങ്ങല്‍ ഇരട്ടക്കൊലപാതക കേസിലെ പ്രിതിയായ നിനോ മാത്യുവിനെ ടെക്‌നോ പാര്‍ക്കിലെ ജീവനക്കാര്‍ കൈയ്യേറ്റം ചെയ്‌തു. നീ ടെക്കികള്‍ക്ക്‌ മുഴുവന്‍ നാണക്കേടുണ്ടാക്കിയല്ലോ എന്ന്‌ ആക്രോശിച്ച്‌ കൊണ്ടാണ്‌ നിനോയെ മര്‍ദ്ദിച്ചത്‌. വൈകുന്നേരം 3.30 തോടെയാണ്‌ കനത്ത പോലീസ്‌ സുരക്ഷയില്‍ നിനോയെ തെളിവെടുപ്പിനായി ടെക്‌നോപാര്‍ക്കിലെത്തിച്ചത്‌. ജോലിചെയ്‌തിരുന്ന സ്‌ഥാപനത്തിനു പുറമേ കെട്ടിടത്തിലെ മുഴുവന്‍ ജീവനക്കാരെയും പുറത്തിറക്കിയായിരുന്നു തെളിവെടുപ്പ്‌ നടത്തിയത്‌. തുടര്‍ന്ന്‌ ഓഫീസിലെ സഹപ്രവര്‍ത്തകരെയും ചോദ്യം ചെയ്‌തു.

തെളിവെടുപ്പിന്‌ ശേഷം നാലുമണിയോടെ പുറത്തേയ്‌ക്കു കൊണ്ടുവന്ന ഇയാളെ സമീപത്തെ മറ്റ്‌ ഓഫീസുകളിലെ ജീവനക്കാര്‍ സംഘടിച്ചെത്തി മര്‍ദ്ദിക്കുകയും അസഭ്യം പറയുകയും ചെയ്‌തതോടെ പോലീസ്‌ വെട്ടിലായി. സംഘടിച്ചെത്തിയ ജീവനക്കാര്‍ ഡ്യൂട്ടിയിലുണ്ടായ പോലീസുകാരോട്‌ തട്ടിക്കയറുകയും നിനോ മാത്യുവിനെ തങ്ങള്‍ക്ക്‌ വിട്ടുതരണമെന്ന്‌ ആവശ്യപ്പെടുകയും ചെയ്‌തു. ഇവിടെ നിന്നും ഏറെ പണിപ്പെട്ടാണ്‌ പോലീസ്‌ നിനോയെ പോലീസ്‌ വാഹനത്തിലെത്തിച്ചത്‌.

കൊലയ്‌ക്കായി ഉപയോഗിച്ച സാധനങ്ങള്‍ വാങ്ങിയ കടകളിലും ഇന്ന്‌ തെളിവെടുപ്പിനായി കൊണ്ടുപോകാന്‍ നിശ്‌ചയിച്ചിരുന്നുവെങ്കിലും ജനക്കൂട്ടം അക്രമാസക്‌തമായതോടെ പോലീസ്‌ ഇത്‌ വേണ്ടെന്നുവെച്ചു. തുടര്‍ന്ന്‌ കഴക്കൂട്ടം പോലീസ്‌ സ്‌റ്റേഷനിലേയ്‌ക്ക് നിനോയുമായി മടങ്ങി. നിനോയുടെ തെളിവെടുപ്പ്‌ പൂര്‍ത്തിയായശേഷം മാത്രമേ അനുശാന്തിയെ തെളിവെടുപ്പിനായി കൊണ്ടുവരുകയുള്ളൂവെന്നും നിനോ നാലു ദിവസത്തേയ്‌ക്ക് പോലീസ്‌ കസ്‌റ്റഡിയില്‍ തുടരും.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha