ഭക്തര്ക്ക് പീഡനം: പത്മനാഭസ്വാമി ക്ഷേത്രത്തില് നിന്നും ആലുക്കാസ് ജൂവലറിയിലേക്കും തുരങ്കമുണ്ടോ?
നിധി ശേഖര വിവാദത്തില് അകപ്പെട്ട ശ്രീ പത്മനാഭസ്വമി ക്ഷേത്രത്തില് സുപ്രീംകോടതിയുടെ കര്ശന നിര്ദ്ദേശപ്രകാരം നടപ്പിലാക്കിയ സുരക്ഷാ ക്രമീകരണങ്ങളില് വന് പാളിച്ച. ക്ഷേത്രത്തിലെത്തുന്ന സാധാരണ ഭക്തരുടെ ലെങ്കോട്ടി വരെ അഴിച്ച് പരിശോധിക്കുന്ന പോലീസ് ക്ഷേത്രത്തിലെത്താന് കഴിയുന്ന രഹസ്യ തുരങ്കങ്ങളെ കുറിച്ച് ഇതുവരെ അറിഞ്ഞില്ല. സുപ്രീംകോടതിയില് നിന്നെത്തിയ അമിക്കസ്ക്യൂറിയാണ് തുരങ്കങ്ങള് കണ്ടുപിടിച്ച് സുപ്രീം കോടതിയുടെ ശ്രദ്ധയില് കൊണ്ടുവന്നത്.
സുരക്ഷയുടെ പേരില് ശ്രീ പത്മനാഭസ്വാമി ക്ഷേത്രത്തില് വന് ക്രമക്കേടുകളാണ് നടക്കുന്നത്. രാഷ്ട്രീയക്കാര്ക്ക് പണമുണ്ടാക്കാനുളള ചെപ്പടിവിദ്യയായി സുരക്ഷാക്രമീകരണങ്ങള് മാറിയതിന് പുറമേ സാധാരണ ഭക്തരെ അപമാനിക്കാനും അസഹ്യരാക്കാനുമുളള കുറുക്കുവഴിയായും സുരക്ഷാ ക്രമീകരണങ്ങളെ പോലീസ് ഉപയോഗിക്കുന്നു. ശ്രീ പത്മനാഭസ്വാമി ക്ഷേത്രത്തില് മലയാളികള്ക്ക് ദര്ശനം നടത്താന് കഴിയാത്ത അവസ്ഥയാണുളളത്. ക്ഷേത്രത്തിലെത്തിയാല് സ്ത്രീ പുരുഷ ഭേദമന്യേ വസ്ത്രമഴിച്ച് പരുശോധിക്കും. കാറുകളുടെ റിമോര്ട്ട് കീ പോലും ക്ഷേത്രത്തിനുളളിലേക്ക് കൊണ്ടുപോകാന് അനിവദിക്കില്ല.
കുതിരമാളികയില് നിന്നും ക്ഷേത്രത്തിലെത്താന് രഹസ്യ അറയുണ്ടെന്നും സ്വര്ണം ഇതുവരെ കടത്തിയിട്ടുണ്ടെന്നും അമിക്കസ്ക്യൂറി കണ്ടെത്തിയിരുന്നു. അതേസമയം ശിവസേനാ ഓഫീസില് നിന്നും അന്നദാനപ്പുര വഴി ശ്രീപത്മനാഭസ്വാമിക്ഷേത്രത്തിലേക്ക് കടക്കാമെന്ന വാര്ത്തയും ഇതിനിടെ പുറത്തു വന്നു. അടുത്തിടെ വഴി താല്കാലികമായി അടച്ചു. ഏതു സമയത്തും തുറക്കാവുന്ന തരത്തിലാണ് തുരങ്കം അടച്ചതെന്നും റിപ്പോര്ട്ടുണ്ട്. ക്ഷേത്രത്തിലെ മൂല്യ നിര്ണയം സംബന്ധിച്ച് സുപ്രീംകോടതി പുറപ്പെടുവിച്ച നിര്ദ്ദേശങ്ങള് ശിവസേന പ്രവര്ത്തകര് കീറികളഞ്ഞതായും ആരോപണമുണ്ട്. ബോര്ഡ് കീറിയവരെ കണ്ടെത്താന് പത്രാധിപന്മാരുടെ പക്കലുളള ഫോട്ടോകള് പരിശോധിക്കണമെന്നും അമിക്കസ് ക്യൂറി ആവശ്യപ്പെടുന്നു.
രണ്ട് രഹസ്യ തുരങ്കങ്ങളുടെ വിവരം മാത്രമാണ് പുറത്തുവന്നത്. ഇനിയുമെത്ര തുരങ്കമുണ്ടെന്നാണ് രസികന്മാര് ചോദിക്കുന്നത്. ക്ഷേത്രത്തിന് സമീപമുളള ആലുക്കാസുകാരന്റെ ജുവലറിയിലേക്കും നിലവറയില് നിന്നും തുരങ്കമുണ്ടോ എന്നും രസികന്മാര് അന്വേഷിക്കുന്നുണ്ട്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
