മൊബൈല്ഫോണും ടവറും കാന്സറിന് കാരണമാകില്ല
മൊബൈല് ടവറുകള് കാന്സറിന് കാരണമാവില്ലെന്ന് കണ്ടെത്തല് . ലേകപ്രശസ്ത ഓങ്കോളജിസ്റ്റും പുലിറ്റ്സര് അവാര്ഡ് ജേതാവുമായ സിദ്ധാര്ത്ഥ് മുഖര്ജിയുടേതാണ് കണ്ടെത്തല് . തെളിവുകളുടെ അടിസ്ഥനത്തിലാണ് താന് ഇക്കാര്യം പറയുന്നതെന്നും മൊബൈല് ടവറുകള്ക്ക് താഴെ വേണമെങ്കിലും മനസമാധാനത്തോടെ താമസിക്കാമെന്നും മുഖര്ജി പറഞ്ഞു. കേരളത്തില് മുക്കിലും മൂലയിലും മൊബൈല് ടവറുകള് നിര്മ്മിക്കുക വഴി കാന്സര് ഭീതിയിലായ മലയാളികളെ മുഖര്ജിയുടെ വാദം ശാന്തരാക്കുന്നു. മൊബൈല്ഫോണ് റേഡിയേഷന് കാന്സറിന് കാരണമാകുമെന്നാണ് ലോകാരോഗ്യ സംഘടന പറയുന്നത്. എന്നാല് ഈ കണ്ടെത്തല് പിന്വലിക്കണമെന്ന് മുഖര്ജി ആവശ്യപ്പെടുന്നു.
കാന്സര് രോഗത്തിന് ഒരു ഡിറ്റക്റ്റീവ് കഥയുടെ കെട്ടും മട്ടുമുണ്ടെന്ന് സിദ്ധാര്ത്ഥ് മുഖര്ജി പറയുന്നു. ആര്ക്കും കാന്സറിന് കാരണമാകുന്ന യഥാര്ത്ഥ വില്ലനെ കണ്ടെത്താന് കഴിഞ്ഞിട്ടില്ല. അതിനാല് മൊബൈല് ഫോണും മൊബൈല് ടവറും ഉള്പ്പെടെ എല്ലാം കാന്സറിന് കാരണമാകുമെന്ന് നാം പ്രചരിപ്പിക്കുന്നു. ഒരു കാരണമല്ല ഒരു കൂട്ടം കാരണങ്ങളാണ് കാന്സര് ഉണ്ടാക്കുന്നത്.
മൊബൈല് ടവര് സ്ഥാപിക്കുന്നതിനെതിരെ രാജ്യത്തെ വിവിധ കോടതികളില് നിരവധി കേസുകള് നിലനില്ക്കുന്നുണ്ട്. മൊബൈല് ടവറുകള് കാന്സറിന് കാരണമാകുമെന്നാണ് കോടതികളുടെയും കണ്ടെത്തല്. മൊബൈല് ടവറുകള്ക്ക് സമീപം താമസിക്കുന്നത് ദോഷകരമാണെന്ന് ആരോഗ്യവകുപ്പും പറയുന്നു. ഇതിനെയാണ് സിദ്ധാര്ത്ഥ് മുഖര്ജി ചോദ്യം ചെയ്യുന്നത്.
മൊബൈല് ടവറുകളെ കുറിച്ച് പഠനങ്ങള് നടക്കുന്നുണ്ട്. ഇതുവരെയുളള കണ്ടെത്തലുകളില് ടവറുകളിലെ റേഡിയേഷന് കാന്സറിന് കാരണമാകുമെന്ന് കണ്ടെത്തിയിട്ടില്ല. കാന്സര് രോഗത്തിന് ടവറുകള് കാരണമാകുമെന്ന കണ്ടെത്തല് ഉണ്ടാവാത്ത സാഹചര്യത്തില് എന്തിനാണ് നാം അതിനെ കുറ്റം പറയുന്നതെന്നും മുഖര്ജി ചോദിക്കുന്നു.
മൊബൈല് ഫോണിന്റെ അമിത ഉപയോഗം കാന്സറിന് കാരണമാകുമെന്ന കണ്ടെത്തലും ശരിയല്ല. ഇത്തരം അടിസ്ഥാനമില്ലാത്ത കണ്ടെത്തലുകള് ജനങ്ങളില് ആശയക്കുഴപ്പത്തിന് ഇടയാക്കും. സിദ്ധാര്ത്ഥ് മുഖര്ജി പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
