ടി.പി.ചന്ദ്രശേഖരന് വധക്കേസ് ഏറ്റെടുക്കാനാവില്ലെന്ന് സി.ബി.ഐ
ടി.പി.ചന്ദ്രശേഖരന്റെ വധക്കേസിലെ ഗൂഢാലോചനയുമായി ബന്ധപ്പെട്ട അന്വേഷണം ഏറ്റെടുക്കാനാവില്ലെന്ന മുന് നിലപാട് ആവര്ത്തിച്ച് സി.ബി.ഐയുടെ റിപ്പോര്ട്ട് തയ്യാറായി. ഇക്കാര്യത്തില് സംസ്ഥാന സര്ക്കാരിന്റെ ആവശ്യം തളളിക്കൊണ്ടാണ് സി.ബി.ഐയുടെ റിപ്പോര്ട്ട്. നരത്തെ അന്വേഷണം ഏറ്റെടുക്കാന് കഴിയില്ലെന്ന നിപാട് സി.ബി.ഐ വ്യക്തമാക്കിയിരുന്നു. എന്നാല് തീരമാനം പുനപരിശോധിക്കണമെന്ന് ആവശ്യപ്പെട്ട് ആഭ്യന്തര വകുപ്പ് കേന്ദ്ര പേഴ്സണല് മന്ത്രാലയത്തിന് വീണ്ടും കത്തയച്ചിരുന്നു.
സംസ്ഥാന സര്ക്കാരിന്റെ കത്ത് പരിഗണിച്ച് കേസന്വേഷണം ഏറ്റെടുക്കാന് കഴിയുമോ എന്ന് വീണ്ടും പരിശോധിക്കാന് കേന്ദ്ര പേഴ്സണല് മന്ത്രാലയം സി.ബി.ഐ ഡയറക്ടറോട് ആവശ്യപ്പെട്ടിരുന്നു. വിചാരണ പറഞ്ഞ് വിധി പറഞ്ഞ കേസിന്റെ ഗൂഢാലോചന മാത്രം അന്വേഷിക്കാന് കഴിയില്ലെന്ന നിലപാടാണ് സി.ബി.ഐ അന്തിതമമായി എടുത്തിട്ടുളളത്.
നേരത്തെ കേസന്വേഷിച്ച സംസ്ഥാന പോലീസിന് ഡൂഢാലോചന കൂടി അന്വേഷിക്കാമായിരുന്നു. ഈ സാഹചര്യങ്ങള് നിലനല്ക്കേ സംസ്ഥാന സര്ക്കാരിന്റെ ആവശ്യം പ്രസക്തമല്ലെന്നാണ് സി.ബി.ഐയുടെ നിഗമനം. ഇക്കാര്യം ചൂണ്ടിക്കാട്ടി കേരളത്തിന്റെ ചുമതലയുളള ചെന്നൈയിലെ ജോയിന്റ് ഡയറക്ടര് അരുണാചലം അടുത്ത ദിവസം തന്നെ സി.ബി.ഐ ഡയറക്ടര്ക്ക് റിപ്പോര്ട്ട് നല്കും.
ടി.പി. കേസില് ഉന്നത സി.പി.എം. നേതാക്കളുടെ പങ്ക് അന്വേഷിക്കണമെന്ന് ആവശ്യപ്പെട്ട് കെ.കെ.രമയുടെ പരാതിയുടെയും പ്രതിപക്ഷ നേതാവ് വി.എസ് അച്യുതാനന്ദന് നല്കിയ കത്തിന്റെയും അടിസ്ഥാനത്തിലാണ് ആഭ്യന്തരവകുപ്പ് സി.ബി.ഐ അന്വേഷണത്തിന് ശുപാര്ശ ചെയ്തത്.
https://www.facebook.com/Malayalivartha
