ചലച്ചിത്ര അക്കാദമിയില്‍ പ്രോഗ്രാംസ് ഡെപ്യൂട്ടി ഡയറക്ടര്‍ ഉള്‍പ്പെടെയുള്ളവരുടെ കസേര തെറിച്ചപ്പോള്‍ പ്രോഗ്രാം ആര്‍ടിസ്റ്റിക് ഡയറക്ടര്‍ ബീനാ പോളിന്റെ കസേര ഉറപ്പിച്ചത് ജോഷി മാത്യൂ. ജോഷിമാത്യു സംവിധാനം ചെയ്ത ബ്ലാക്ക്‌ ഫോറസ്റ്റ് എന്ന ചിത്രത്തിന് നിരവധി വിദേശ ഫെസ്റ്റിവലുകളില്‍ പ്രവേശനാനുമതി നേടിക്കൊടുത്തത് ബീനാപോളാണ്. ഇതിന്റെ പ്രത്യുപകാരമായി ജോഷി മാത്യുവും നിര്‍മാതാവ് ബേബി മാത്യുവും മുഖ്യമന്ത്രിയെ നേരില്‍ക്കണ്ട് ബിനാപോളിനെ ഈ സര്‍ക്കാറിന്റെ അവസാനകാലം വരെ നിലനിര്‍ത്തണമെന്ന് അപേക്ഷിച്ചു. അദ്ദേഹം അനുമതിയും നല്‍കി.

ഒരു നിലവാരവുമില്ലാത്ത ബ്ലാക്ക്‌ ഫോറസ്റ്റ് എന്ന ചിത്രത്തിന് കഴിഞ്ഞ തവണ ജൂറിയെ മറികടന്ന്, ഉമ്മന്‍ചാണ്ടി ഇടപെട്ട് പ്രത്യേക കുട്ടികളുടെ ചിത്രത്തിനുള്ള സര്‍ട്ടിഫിക്കറ്റ് നല്‍കിയിരുന്നു. അത് വിവാദമായിരുന്നു. വിദേശ ഫെസ്റ്റിവലുകളില്‍ നിന്ന് 18ലധികം പുരസ്‌ക്കാരങ്ങള്‍ ബഌക്ക് ഫോറസ്റ്റ് നേടി. മുന്‍ മന്ത്രി ഗണേഷ്‌കുമാര്‍ നിയമിച്ച കരാര്‍ ജീവനക്കാരായ, ഡെപ്യൂട്ടി ഡയറക്ടര്‍ ജയന്തി, അക്കൗണ്ടന്റ് ബീന എന്നിവരെയാണ് ഇപ്പോഴത്തെ മന്ത്രി തിരുവഞ്ചൂര്‍ രാധാകൃഷ്ണന്‍ പുറത്താക്കിയത്. ഗണേഷനും തിരുവഞ്ചൂരും തമ്മിലുള്ള പോരാണ് ഇതില്‍ കലാശിച്ചതെന്നറിയുന്നു. 

ഹയര്‍സെക്കന്ററി വിഭാഗം അഡ്മിനിസ്‌ട്രേറ്റീവ് ജീവനക്കാരിയായിരുന്ന ബീനയെയും എഫ്.എം റേഡിയോ ജീവനക്കാരിയായിരുന്ന ജയന്തിയെയും മന്ത്രി ഗണേഷ്‌കുമാര്‍ ഇടപെട്ടാണ് ചലച്ചിത്ര അക്കാദമിയില്‍ കൊണ്ടുവന്നത്. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha