വ്യാജമദ്യ ദുരന്തം ഉണ്ടാകുമോ? സുധീരനല്ല എന്നെ മന്ത്രിയാക്കിയത്! കോണ്ഗ്രസില് ഏകാധിപത്യം അനുവദിക്കില്ലെന്ന് ബാബു
വി.എം സുധീരന് പറയന്നത് കേള്ക്കാനല്ല താന് മന്ത്രിയായിരിക്കുന്നതെന്ന് എക്സൈസ് മന്ത്രി കെ. ബാബു. കോണ്ഗ്രസില് ഏകാധിപത്യമില്ലെന്നും ഒരാളല്ല (സുധീരന്) കേരളം ഭരിക്കുന്നതെന്നും മന്ത്രി പറഞ്ഞു. ബാര്ലൈസന്സ് വിഷയത്തില് സുധീരന്റെ നിലപാടു കാരണം പൊറുതിമുട്ടിയ മന്ത്രി ബാബു ഭ്രാന്തമായ അവസ്ഥയിലാണ്. ഒരു പൊട്ടിത്തെറിയുടെ വക്കിലാണ് സര്ക്കാര്.
ബുധനാഴ്ച കെ.പി.സി.സി സര്ക്കാര് ഏകോപന സമിതി രണ്ടുതവണ യോഗം ചേര്ന്നെങ്കിലും സമവായത്തിലെത്താതെ പിരിഞ്ഞു. ഉമ്മന്ചാണ്ടിയും സുധീരനും തമ്മില് പരസ്പരം വാക്കേറ്റമായി. ഒരു ഘട്ടത്തില് സുധീരന് മുഖ്യമന്ത്രിയാകട്ടെ എന്നുവരെ ഉമ്മന്ചാണ്ടിക്ക് പറയേണ്ടി വന്നു. എന്നാല് ഇത് താനും ഉമ്മന്ചാണ്ടിയും തമ്മിലുളള വ്യക്തിപരമായ പ്രശ്നമല്ലെന്നും നയരൂപീകരണത്തിനുളളിലുളള അഭിപ്രായ വ്യത്യാസം മാത്രമാണെന്നും സുധീരന് പറഞ്ഞതോടെ വഴക്കൊഴിഞ്ഞു. ഇതിനിടെയാണ് സുധീരന്റെ പേരു പറയാതെ ഒരു വ്യക്തിക്കും അഭിപ്രായങ്ങള് അടിച്ചേല്പിക്കാനാവില്ലെന്ന് മന്ത്രി കെ.ബാബു എറണാകുളത്ത് പറഞ്ഞത്. ടു സ്റ്റാര് സര്ട്ടിഫക്കറ്റും നിവാരമുളള ബാറുകള് മാത്രം തുറന്നാല് മതിയെന്നാണ് വി.എം.സുധീരന്റെ നിലപാട്. സമിതിയിലെ 11 അംഗങ്ങളും സുധീരനോട് വിയോജിച്ചു. പത്രങ്ങളെപ്പോലും തനിക്കെതിരാക്കാന് ശ്രമം നടത്തുന്നതായി സുധീരന് അടുത്ത സുഹൃത്തുക്കളോട് പറഞ്ഞു. മുഖ്യധാരാ പത്രത്തിലെ തലക്കെട്ട് വാര്ത്ത സുധീരന് എതിരായി.
ഒരാള് മാത്രം മദ്യവിരുദ്ധനും ബാക്കിയുളളവരെല്ലാം മദ്യ അനുകൂലികളും എന്ന വാദം ശരിയല്ലെന്നാണ് മുഖ്യമന്ത്രിയുടെയും അഭിപ്രായം. കെ.മുരളീധരന് അടക്കമുളളവര് ഇക്കാര്യത്തില് മുഖ്യമന്ത്രിക്കൊപ്പമുണ്ട്. ബാര് ഉടമകള് കോടികള് മറിക്കുമ്പോള് നമ്മുടെ രാഷ്ട്രീയ നേതൃത്വത്തിന് അവരെ എങ്ങനെയാണ് എതിര്ക്കാനാവുക?
ഇതിനിടെ വ്യാജമദ്യദുരന്തമുണ്ടാക്കി കുളം കലക്കാനും മദ്യലോബി ശ്രമിക്കുന്നതായി വാര്ത്തകളുണ്ട്. മദ്യദുരന്തത്തിന് സാധ്യതയുണ്ടെന്ന് ഇന്റലിജന്സ് റിപ്പോര്ട്ടുമുണ്ട്. ബാറുകള് തുറക്കാത്തതു കാരണം മദ്യദുരന്തം ഉണ്ടായി എന്ന് വരുത്തി തീര്ക്കാനാണ് ശ്രമം.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
