കേരളസര്ക്കാരിന്റെ പുതിയ മുദ്രാവാക്യം; നിങ്ങള് കുടിച്ചു മരിക്കൂ ഞങ്ങള് ഭരിച്ച് മുടിക്കാം!
കേരളത്തില് ഗ്യാസില്ല, മരുന്നില്ല. അതേസമയം മന്ത്രിമാരൊക്കെ പൂട്ടിയ ബാറുകള് തുറക്കാന് നെട്ടോട്ടമോടുന്നു. നിങ്ങള് കുടിച്ച് മരിക്കുക, ഞങ്ങള് ഭരിച്ച് മുടിക്കാം എന്നാണ് കേരള സര്ക്കാരിന്റെ പുതിയ മുദ്രാവാക്യം.
ഗ്യാസ് സമരം വ്യാപകമായതോടെ ഗ്യാസിന്റെ വരവ് നിലച്ചു. ലോറിയുടമകള് നടത്തുന്ന സമരം പിന്വലിക്കാന് യാതൊരു നടപടിയുമില്ല. ജീവിതശൈലീ രോഗങ്ങള് വ്യാപിക്കുമ്പോള് കേരളത്തിലെ സര്ക്കാര് ആശുപത്രികള്ക്ക് മരുന്ന് കിട്ടാനില്ല. അടിയന്തിര നടപടികള് സ്വീകരിക്കുമെന്ന് ആരോഗ്യ മന്ത്രിയുടെ പതിവു പല്ലവി മാത്രം കേരളം കേള്ക്കുന്നു.
ഭക്ഷ്യവകുപ്പ് പ്രവര്ത്തനം നിലച്ചിട്ട് വര്ഷങ്ങളായി. അനൂപ് ജേക്കബ് മന്ത്രിയായാതോടെ റേഷന്കടകള് പൂട്ടലിന്റെ വക്കിലെത്തി. മാവേലി സ്റ്റോറുകളില് സാധനങ്ങള് കിട്ടാതായി. സബ്സിഡി സാധനങ്ങള് കണികാണാന് കിട്ടുന്നില്ല. ഇത്രയുമൊക്കെ കുത്തഴിഞ്ഞിട്ടും പൂട്ടിയ ബാറുകള് തുറക്കാന് കേരളസര്ക്കാര് കാണിക്കുന്ന ആവേശം കണ്ട് മലയാളികള് മൂക്കത്ത് വിരല്വയ്ക്കുന്നു.
ഗ്യാസ് വിതരണം നിലച്ചതിനെതിരെ നടപടിയെടുക്കാന് തൊഴില് മന്ത്രി തയ്യാറാകുന്നില്ല. ഓടാന് വിസമ്മതിക്കുന്ന ലോറികള് അവശ്യ സര്വീസ് നിയമപ്രകാരം കസ്റ്റഡിയിലെടുക്കാന് വ്യവസ്ഥയുണ്ടെങ്കിലും മന്ത്രിയോ ഉദ്ദ്യേഗസ്ഥരോ അനങ്ങുന്നില്ല. അടിയന്തിര നടപടി സ്വീകരിക്കുമെന്ന ശിവകുമാറിന്റെ പല്ലവി ആവര്ത്തിക്കാന് പോലും ഷിബു ബേബിജോണ് തയ്യാറല്ല. സമരം നടക്കുന്ന കാര്യം തന്റെ ശ്രദ്ധയില് വന്നില്ലെന്നാണ് മന്ത്രിയുടെ പ്രതികരണം.
കാരുണ്യ ഫാര്മസികളില് ഗുരുകര രോഗങ്ങള്ക്കുളള മരുന്നുകള് പോലും ലഭ്യമല്ല. മെഡിക്കല് സര്വീസസ് കോര്പ്പറേഷനില് നടത്തുന്ന ശീതസമരമാണ് കാരണം. ഇതിനിടെ മന്ത്രി ശുവകുമാര് മാറുമെന്ന അഭ്യൂഹം കാരണം ഉദ്ദ്യേഗസ്ഥര് അദ്ദേഹത്തെ അനുസരിക്കുന്നില്ലെന്നും കേള്ക്കുന്നു.
കെ.മുരളീധരന്റെ ആറു പവന് മാല മോഷ്ടിച്ച പ്രതിയെ ആഭ്യന്തരമന്ത്രി പിടികൂടിയില്ല. എംഎല്എ മാര്ക്ക് സമാധാനപരമായി ജീവിക്കാനാവില്ലെങ്കില് സാധാരണക്കാരന്റെ അവസ്ഥ എന്താവുമെന്നാണ് നാട്ടുകാര് ചോദിക്കുന്നത്. അതേസമയം പൂട്ടിയ ബാറുകള് തുറക്കാന് ഒരു മന്ത്രിസഭ ഒരുമിച്ച് പ്രയത്നിക്കുകയാണ്. കെ.പി.സി.സി അദ്ധ്യക്ഷന് വി.എം. സുധിരനെതിരെ കരുക്കള് നീക്കാനും കോണ്ഗ്രസ് നേതാക്കള് വലിയ താത്പര്യമാണെന്ന് കാണിക്കുന്നത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
