തെന്മലയില്‍ വെള്ളച്ചാട്ടത്തിനുസമീപം രണ്ടുപേര്‍ മുങ്ങിമരിച്ചു. തമിഴ്‌നാട് തൂത്തുക്കുടി സ്വദേശികളായ രാമചന്ദ്രന്‍ (31) ഇസക്കി മുത്തു (25) എന്നിവരാണ് മരിച്ചത്. മൃതദേഹങ്ങള്‍ പുനലൂര്‍ താലൂക്കാശുപത്രിയിലേക്കു മാറ്റി. ഇവര്‍ സുരക്ഷാ മുന്നറിയിപ്പുകള്‍ അവഗണിച്ചു കയത്തിലിറങ്ങുകയായിരുന്നുവെന്നു ദൃക്‌സാക്ഷികള്‍ പറഞ്ഞു.

കാലവര്‍ഷത്തില്‍ വെള്ളച്ചാട്ടത്തിലെ ഒഴുക്കുശക്തമായതിനെ തുടര്‍ന്ന് ഈ ഭാഗത്തു പ്രവേശനം അനുവദിച്ചിരുന്നില്ല. ആഴമേറിയ കയമുള്ള ഇവിടെ അപകടസാധ്യത വളരെ കൂടുതലാണെങ്കിലും സന്ദര്‍ശകരുടെ തിരക്കിന് യോജിച്ച രീതിയില്‍ സുരക്ഷാ സജ്ജീകരണങ്ങള്‍ ഇല്ലാത്തത് അപകടം ആവര്‍ത്തിക്കാന്‍ ഇടയാക്കുമെന്ന് നാട്ടുകാര്‍ പറയുന്നു.