പുതുവൈപ്പ് സമരം വളരെ ശക്തമാക്കി എല്പിജി വിരുദ്ധ ജനകീയ സമിതി
പുതുവൈപ്പ് ഐഒസി ടെര്മിനലിനെതിരായ സമരം കൂടുതല് ശക്തമാക്കി എല്പിജി വിരുദ്ധ ജനകീയ സമിതി. ഇതിന്റെ ഭാഗമായി ഹൈക്കോടതി ജംഗ്ഷനില് ഇന്ന് എട്ട് മണിക്കൂര് പ്രതിഷേധ സംഗമം നടത്താന് സമിതി തീരുമാനിച്ചു. അതിനിടെ, പുതുവൈപ്പ് എല്പിജി ടെര്മിനലുമായി ബന്ധപ്പെട്ട് ഐഒസി നല്കിയ പത്രപരസ്യം വാസ്തവവിരുദ്ധമാണെന്നും സമരസമിതി ആരോപിച്ചു. ഒരാഴ്ചത്തെ വിശ്രമത്തിനുശേഷമാണ് പുതുവൈപ്പ് എല്പിജി വിരുദ്ധസമരക്കാര് പ്രതിഷേധവുമായി വീണ്ടും നഗരത്തിലേക്ക് എത്തുന്നത്. രാവിലെ പത്തു മണിമുതല് വൈകിട്ട് ആറു വരെയാണ് പുതുവൈപ്പ് എളങ്കുന്നപ്പുഴ പഞ്ചായത്തുകളിലെ നൂറ് കണക്കിന് ആളുകളെ അണിനിരത്തിയുള്ള പ്രതിഷേധ സംഗമം.
പുതുവൈപ്പിലെ പാചകവാതക ഇറക്കുമതി ടെര്മിനല് പദ്ധതി സംബന്ധിച്ച വസ്തുതകള് എന്ന പേരില് ഐഒസി നല്കിയ മുഴുനീള പത്രപരസ്യത്തിനെതിരെയും പ്രദേശവാസികള് അമര്ഷത്തിലാണ്. വസ്തുതാപരമായി അടിസ്ഥാനമില്ലാത്ത കാര്യങ്ങള് പരസ്യത്തിലൂടെ വിവരിച്ച് ജനവികാരം പുതുവൈപ്പുകാര്ക്ക് എതിരാക്കാനാണ് ഐഒസി ശ്രമിക്കുന്നതെന്നും ഇവര് ആരോപിക്കുന്നു.
എല്പിജി സംഭരണകേന്ദ്രവുമായി സംബന്ധിച്ച ആശങ്കകളെകുറിച്ച പഠിക്കാന് വിദഗ്ധസമിതിയെ നിയോഗിക്കുമെന്നായിരുന്നു ജൂണ് 21ന് തിരുവന്തപുരത്ത് നടന്ന ചര്ച്ചയില് സമരക്കാര് മുഖ്യമന്ത്രി നല്കിയ ഒരു ഉറപ്പ്. പക്ഷേ അത് പാലിക്കാനും സര്ക്കാര് തയാറായിട്ടില്ല.
https://www.facebook.com/Malayalivartha
