ദിലീപിനെ അറസ്റ്റ് ചെയ്താല് പിന്നെ സംഭവിക്കുന്നത്?
കൊച്ചിയില് നടി ആക്രമിക്കപ്പെട്ട സംഭവത്തില് ദിലീപിനെ പോലീസ് അറസ്റ്റു ചെയ്താല് സുപ്രീം കോടതിയില് നിന്നടക്കം പ്രമുഖ അഭിഭാഷകരെത്തുമെന്നാണ് റിപ്പോര്ട്ട്. ഇതിനായി പ്രമുഖ അഭിഭാഷകന്റെ സേവനം ഇതിനകം തന്നെ നടനുമായി ബന്ധപ്പെട്ട കേന്ദ്രങ്ങള് ഉറപ്പു വരുത്തിയതായാണ് സൂചന.
ഹൈക്കോടതിയിലെ സീനിയര് അഭിഭാഷകന് മുഖേനയാണ് ഈ മുന്കരുതല്. നടി ആക്രമിക്കപ്പെട്ട കേസില് തനിക്കും കുടുംബത്തിനുമെതിരെ നടക്കുന്നത് വന് ഗൂഢാലോചനയാണെന്ന് ആരോപിക്കുന്ന ദിലീപ് ഏതറ്റം വരെയും പോകുമെന്ന വാശിയിലാണ്.
ദിലീപിനെതിരെ പോലീസിന് ശക്തമായ തെളിവ് ഹാജരാക്കാന് പറ്റിയില്ലെങ്കില് ഉദ്യോഗസ്ഥര് അടക്കമുള്ളവര്ക്കെതിരെ നിയമ നടപടി സ്വീകരിക്കാനാണ് സിനിമാ രംഗത്തെ സുഹൃത്തുക്കളും നടന് നല്കിയിരിക്കുന്ന നിര്ദ്ദേശം.
അതേ സമയം കേസ് സംബന്ധമായി നിര്ണ്ണായക നടപടികളിലേക്ക് കടക്കുന്നതിന്റെ മുന്നോടിയായി പ്രത്യേക അന്വേഷണ സംഘം ആലുവയില് യോഗം ചേര്ന്ന് സ്ഥിതിഗതികള് വിലയിരുത്തുകയാണ്.
https://www.facebook.com/Malayalivartha
