ദാമോദരന് വക്കീലിനെ മനസ്സില് സ്മരിച്ച് പിണറായി: ലാവ്ലിന് കേസില് എന്നും പിണറായിയുടെ ഉറച്ച പോരാളി: അഡ്വ. എം കെ ദാമോദരന്
ഈ കോടതി വിധി പിണറായിക്ക് ആശ്വാസം നല്കുമ്പോള് എന്നും ലാവ്ലിന് കേസില് പോരാളിയായിരുന്നു എം കെ ദാമോദരന്. നായനാര് സര്ക്കാരിന്റെ കാലത്ത് അഡ്വക്കറ്റ് ജനറല് സ്ഥാനം വഹിച്ചിരുന്നു. മുഖ്യമന്ത്രി പിണറായി വിജയനുമായി അടുത്ത ബന്ധം പുലര്ത്തിയിരുന്ന അഡ്വ. ദാമോദരനാണ് ലാവ്ലിന് കേസില് അദ്ദേഹത്തിനായി കോടതിയില് ഹാജരായത്.
പിണറായി സര്ക്കാര് അധികാരമേറ്റപ്പോള് മുഖ്യമന്ത്രിയുടെ നിയമോപദേഷ്ടാവായി എം.കെ.ദാമോദരനെ പരിഗണിച്ചിരുന്നു. എന്നാല് അനവധി കേസുകളില് സര്ക്കാരിനെതിരെ വാദിക്കുന്ന ദാമോദരനെ നിയമോപദേഷ്ടാവായി നിയമിക്കുന്നത് ചോദ്യം ചെയ്യപ്പെട്ടു. നിയമനം വിവാദമാക്കുന്നുവെന്ന് കണ്ടതോടെ ദാമോദരന് തന്നെ സ്ഥാനം ആ സ്ഥാനം നിരസിച്ചു.
കേരളം കണ്ട ഏറ്റവും പ്രഗല്്ഭ അഭിഭാഷകരിലൊരാളായി വിലയിരുത്തപ്പെടുന്ന എം.കെ.ദാമോദരന് ലാവ്ലിന് ഐസ്ക്രീം പാര്ലര് കെ.എം.മാണിക്കെതിരായ വിജിലന്സ് കേസ്, സാന്റിയാഗോ മാര്ട്ടിനെതിരായ ലോട്ടറിക്കേസ് എന്നിവയില് പ്രതിഭാഗത്തിനായി ഹാജരായിരുന്നു.
കര്ഷകകുടുംബത്തില് ജനിച്ച ദാമോദരന് രാഷ്ട്രീയപ്രവര്ത്തനരംഗത്ത് സജീവമായതോടെയാണ് നിയമപഠനത്തിലേക്ക് തിരിയുന്നത്. എറണാകുളം ലോ കോളേജിലെ പഠനത്തിന് ശേഷം 1964ല് അദ്ദേഹം അഭിഭാഷകനായി എന്റോള് ചെയ്തു. ഉത്തരകേരളത്തിലെ പ്രമുഖ ക്രിമിനില് അഭിഭാഷകനായ എ.വി.കെ നായരുടെ ജൂനിയറായിട്ടാണ് അദ്ദേഹം അഭിഭാഷകവൃത്തിയില് സജീവമാക്കുന്നത്. തലശ്ശേരി കോടതിയായിരുന്നു തുടക്കകാലത്തെ അദ്ദേഹത്തിന്റെ പ്രവര്ത്തനകേന്ദ്രം.
എം.കെ.ദാമോദരന് നഷ്ടമായത് അടുത്ത സുഹൃത്തിനെയെന്ന് മുഖ്യമന്ത്രി.
പിന്നീട് എ.വി.കെ നായരുടെ നിര്ദ്ദേശപ്രകാരം പ്രമുഖ സിവില് അഭിഭാഷകനായ കെ.എം.നമ്പൂതിരിപ്പാടിനോടൊപ്പവും അദ്ദേഹം സഹകരിച്ചു പ്രവര്ത്തിച്ചു.ഒരേസമയം ക്രിമിനല് സിവില് മേഖലകളില് പരിശീലനം നേടുവാന് ഇത് ദാമോദരനെ സഹായിച്ചു. രണ്ട് വര്ഷത്തിന് ശേഷം അദ്ദേഹം സ്വന്തം നിലയില് കേസുകളേറ്റെടുക്കാന് ആരംഭിച്ചു. അപ്പോഴും എ.വി.കെ നായരുടേയും കെ.എം.നമ്പൂതിരിപ്പാടിന്റേയുമൊപ്പമുള്ള പ്രവര്ത്തനം തുടര്ന്നു.
കാസര്ഗോഡ് മുതല് കോഴിക്കോട് വരെയുള്ള വിവിധ സ്ഥലങ്ങളില് നിന്നുള്ള കേസുകള് ഈ കാലഘട്ടത്തില് അദ്ദേഹം കൈകാര്യം ചെയ്തു. 1964 മുതല് 1977 വരെയുള്ള പ്രവര്ത്തനത്തിനിടെ ഉത്തരമലബാറിലെ ഏറ്റവും പേരെടുത്ത അഭിഭാഷകരിലൊരാളായി അദ്ദേഹം മാറി. എന്നാല് അടിയന്തരാവസ്ഥ കാലത്ത് കാര്യങ്ങള് മാറിമാറിഞ്ഞു.ദാമോദരനെ അറസ്റ്റ് ചെയ്ത പോലീസ് അദ്ദേഹത്തെ എട്ടു മാസത്തോളം അദ്ദേഹം ജയിലിലിട്ടു.
ഇത് ദാമോദരന്റെ അഭിഭാഷകജീവിത്തില് നിര്ണായകമായി. ജയില് മോചിതനായി പുറത്തു വന്ന അദ്ദേഹം തന്റെ പ്രവര്ത്തനം തലശ്ശേരിയില് നിന്ന് എറണാകുളത്തേക്ക് മാറ്റി. അതുവരേയും ഇടതുരാഷ്ട്രീയത്തില് സജീവമായി ഇടപെട്ടിരുന്നു അദ്ദേഹം തന്റെ സജീവരാഷ്ട്രീയജീവിതത്തിനും അതോടെ വിരാമമിട്ടു
https://www.facebook.com/Malayalivartha
