കാര്യം രണ്ടാം കെട്ടാണെങ്കിലും ഭാര്യയെപ്പറ്റി പറയാന്‍ ഭര്‍ത്താവിന് നൂറ് നാവായിരുന്നു. എന്നാല്‍ ഒരു നാള്‍ പറഞ്ഞതെല്ലാം അയാള്‍ക്ക് തിരിച്ചെടുക്കേണ്ടി വന്നു. അത്രയ്ക്കാണ് അവള്‍ ഭര്‍ത്താവിനോട് കാണിച്ചത്. അവസാനം പോലീസിനെ തന്നെ അഭയം പ്രാപിച്ചു. 
അവസാനം ഭര്‍ത്താവിനെ കബളിപ്പിച്ച് പണവും സ്വര്‍ണവും കവര്‍ന്ന് മുങ്ങിയ ഭാര്യയെ തമിഴ്‌നാട് പോലീസ് പിടികൂടുകയും ചെയ്തു. പാലൂര്‍ക്കാവ് സ്വദേശിനി സുബിയെയാണ് തമിഴ്‌നാട് ഉത്തമപാളയും സ്വദേശിയും ഭര്‍ത്താവുമായ ബാബുരാജിന്റെ പരാതിയെ തുടര്‍ന്ന് ഇന്നലെ അറസ്റ്റ് ചെയ്തത്.

2013ല്‍ കൊടുകുത്തിക്ക് സമീപമുള്ള എസ്എന്‍ഡിപി ശാഖയില്‍ ഇരുവരും വിവാഹിതരായി ഉത്തമപാളയത്ത് താമസിച്ച് വരുകയായിരുന്നു. ഇരുവരുടെയും രണ്ടാം വിവാഹമാണ് ബന്ധുക്കളുടെ സമ്മതത്തോടെ നടന്നത്. മുണ്ടക്കയത്തിനു സമീപം വാടകക്കെടുത്ത വീട്ടിലായിരുന്നു ഇരുവരും. സ്വന്തം വീടാണെന്നും രണ്ട് കുട്ടികള്‍ ഉള്ള വിവരവും ഇവര്‍ മറച്ചുവെച്ചു. വിവാഹത്തിനുശേഷം എല്ലാ മാസവും വീട്ടിലേക്ക് പോകുപ്പോള്‍ പല തവണയായി നാലു ലക്ഷത്തോളം രൂപ വാങ്ങി വീട്ടില്‍ നല്‍കിരുന്നു.

പെരുമാറ്റത്തില്‍ സംശയം തോന്നിയ ബാബുരാജ് ഭാര്യയുടെ ഫോണ്‍ കോളുകള്‍ പരിശോധിച്ചപ്പോള്‍ പലരുമായി അടുപ്പമുണ്ടെന്ന് മനസിലായി. കൂടുതല്‍ പരിശോധനയില്‍ വഴിവിട്ട ബന്ധങ്ങളും മനസിലായി. ഇതോടെ ഞെട്ടിപ്പോയ ഭര്‍ത്താവ് അവരെ നിരീക്ഷിച്ചു കൊണ്ടിരുന്നു. 

കഴിഞ്ഞ ജൂലൈ 27ന് ബാബുരാജ് ജോലി കഴിഞ്ഞ് വീട്ടിലെത്തിയപ്പോള്‍ ഭാര്യയെ കാണാനില്ലെന്നും ഫോണ്‍ വിളിച്ചപ്പോള്‍ സ്വിച്ച് ഓഫാണെന്നെ മറുപടി ലഭിച്ചത്. സുബിയുടെ മാതാപിതാക്കളെ വിളിച്ചപ്പോള്‍ തങ്ങള്‍ക്ക് അറിയല്ലായെന്ന മറുപടിയാണ് നല്‍കിയതെന്ന് പരാതിയില്‍ പറയുന്നു.

കൂടുതല്‍ പരിശോധന നടത്തിയപ്പോള്‍ തന്റെ പാസ്‌പോര്‍ട്ട്, റേഷന്‍ കാര്‍ഡ്, പാന്‍കാര്‍ഡ്, വിവിധ ബാങ്കുകളുടെ എടിഎം കാര്‍ഡുകള്‍, അഞ്ചു പവന്റെ സ്വര്‍ണാഭരണങ്ങള്‍ എന്നിവ നഷ്ടപ്പെട്ടവിവരം അറിയുന്നത്. തുടര്‍ന്ന് പോലീസില്‍ പരാതി നല്‍കുകയും കോടതി നിര്‍ദേശത്തെ തുടര്‍ന്ന് സുബിയുടെ പാലൂക്കാവിലുള്ള വീട്ടില്‍ നിന്നും ഇന്നലെ രാവിലെ വനിത പോലീസ് അടക്കമുള്ളവര്‍ എത്തി അറസ്റ്റ് ചെയ്യുകയുമായിരുന്നു.