സോളാറില് കടുത്തനടപടിയുമായി സര്ക്കാര്
സോളാര് കമ്മീഷന് റിപ്പോര്ട്ടിലൂടെ കടുത്ത നടപടിക്കൊരുങ്ങി മുഖ്യമന്ത്രി പിണറായി വിജയന്. യു ഡി എഫിന്റെ പ്രബലരായ നേതാക്കള്ക്കെതിരെ നടപടി എടുത്തത് വലിയ ചര്ച്ചയായിട്ടുണ്ട്.അഴിമതി,മാനഭംഗം തുടങ്ങിയ വിഷയങ്ങളിലാണ് പ്രധാനമായും കേസ് എടുക്കുന്നത്. സരിത എസ്. നായരുടെ കത്തില് പരാമാര്ശിക്കുന്ന എല്ലാവര്ക്കുമെതിരെ കേസെടുക്കാനാണ് തീരുമാനമെന്നും മുഖ്യമന്ത്രി പിണറായി വിജയന് വാര്ത്താ സമ്മേളനത്തില് അറിയിച്ചു.
മുന് മുഖ്യമന്ത്രി ഉമ്മന്ചാണ്ടിക്കെതിരെ വിജിലന്സ് അന്വേഷണവും മുന് ആഭ്യന്തരമന്ത്രി തിരുവഞ്ചൂര് രാധാകൃഷ്ണനെതിരെ ക്രിമിനല് കേസുമെടുമെന്ന് മുഖ്യമന്ത്രി വ്യക്തമാക്കി. അന്വേഷണം അട്ടിമറിക്കാന് ശ്രമിച്ചതിന് എഡിജിപി കെ. പത്മകുമാറിനും ഡിവൈഎസ്പി കെ. ഹരികൃഷ്ണനും എതിരെയും കേസെടുക്കും. സരിതാ എസ്. നായരെ സ്വാധീനിക്കാന് ശ്രമിച്ചതിന് തമ്പാനൂര് രവി, ബെന്നി ബഹനാന് എന്നിവര്ക്കെതിരെയും കത്തില് പരാമര്ശിച്ച എ.പി.അനില്കുമാര്, ഹൈബി ഈഡന്, കെ.സി.വേണുഗോപാല്, ജോസ് കെ.മാണി, മുന് കേന്ദ്രമന്ത്രി പളനിമാണിക്യം, അടൂര് പ്രകാശ് തുടങ്ങിയ നേതാക്കള്ക്കെതിരേയും കേസെടുക്കുമെന്ന് വ്യക്തമാക്കിയിട്ടുണ്ട്.
കേരളത്തിലെ കോണ്ഗ്രസ് ഘടകം നേരിടുന്ന ചരിത്രത്തിലെ വലിയ തിരിച്ചടികളില് ഒന്നാണിത്.കോണ്ഗ്രസ്സ് സംഘടന തെരഞ്ഞെടുപ്പ് വരാനിരിക്കെ എ ഗ്രൂപ്പിനേറ്റ കനത്ത തിരിച്ചടി നേതാക്കളെ വിഷമത്തിലാക്കുന്നുണ്ട്. ദേശീയ തലത്തില് രാഹുല് ഗാന്ധി അഴിമതിക്കെതിരെ നിലപാടെടുക്കുമ്പോള് കേരളത്തിലെ കോണ്ഗ്രസ്സിനേറ്റ പ്രഹരം ദേശീയ തലത്തില് ചര്ച്ചയാകും എന്നതില് സംശയമില്ല.മുന് മുഖ്യമന്ത്രിയും മന്ത്രിമാരും ജനപ്രതിനിധികളും അടക്കം കേസില് ഉള്പ്പെട്ടത് രാഷ്ട്രീയ കേരളത്തിന് അപമാനകരമായ സംഭവമാണ്.
https://www.facebook.com/Malayalivartha
