സോളാര് ചൂട് ഇനിയെത്രകാലം തുടരും... നാടാകെ ആഘോഷിക്കുന്ന സോളാര് പീഡന കേസിന്റെ അന്തിമ ഫലം എന്താകുമെന്ന് കേരളം കാതോര്ക്കവേ നിയമ വിദഗ്ധര് വിലയിരുത്തുന്നതിങ്ങനെ...
വേങ്ങര തെരഞ്ഞെടുപ്പ് ചൂടില് ആഞ്ഞടിച്ച മറ്റൊരു കൊടും ചൂടായിരുന്നു സോളാര് കേസ്. തണുത്തുവെന്ന് കരുതിയിരുന്ന സോളാറും സരിതയും ഒറ്റദിവസം കൊണ്ട് വീണ്ടും കേരളത്തെ ചൂടാക്കി. മുഖ്യമന്ത്രി പിണറായി വിജന്റെ നാടകീയ പത്രസമ്മേളനത്തോടെ വീണ്ടും സോളാര് ചര്ച്ചയായി. മുന് മുഖ്യമന്ത്രി ഉമ്മന് ചാണ്ടി മുതല് അന്നത്തെ യുവ കേന്ദ്ര മന്ത്രിയായ കെസി വേണുഗോപാല് വരെ ബലാത്സംഗ കേസിലേക്ക് വലിച്ചിഴച്ചു.
ഇങ്ങനെ കേരളം തലങ്ങും വിലങ്ങും ചര്ച്ചകള് നടക്കവെ സോളാര് കേസിന്റെ ഭാവി പഴയ തെറ്റയില് കേസ് പോലെയാകുമോയെന്ന് ഭയക്കുന്നവരാണ് ബഹുഭൂരിപക്ഷം നിയമ വിദഗ്ധരും ചൂണ്ടിക്കാട്ടുന്നത്. ഇടതുപക്ഷ മന്ത്രിസഭയില് നിന്നും സ്ത്രീ പീഡനത്തിന്റെ വീഡിയോ പുറത്തായതിന്റെ പേരില് രാജി വയ്ക്കേണ്ടി വന്നയാളാണ് ജോസ് തെറ്റയില്. എന്നാല് നിയമ പോരാട്ടത്തില് വിധി തെറ്റയിലിനനുകൂലമായി. അവസാനം ആ കേസ് ബ്ലാക്ക്മെയില് കേസായി മാറിയത് കേരളത്തിന്റെ സമകാലിക അനുഭവം മാത്രമാണ്. ഇതുപോലെ സമാന അനുഭവമുള്ള നിരവധി കേസുകളാണ് നിയമ വിദഗ്ധര് ചൂണ്ടിക്കാട്ടുന്നത്. ഇതേ പോലെയാകുമോ സോളാര് പീഡന കേസും എന്നാണ് നിയമ വിദഗ്ധര് ഭയക്കുന്നത്.
അതേസമയം ഈ സോളാര് കേസ് ബിജെപിയ്ക്കാണ് ഗുണം ചെയ്യുകയെന്നാണ് രാഷ്ട്രീയ വിദഗ്ധര് പറയുന്നത്. ദേശീയ തലത്തില് ബിജെപിയുടെ പ്രതിഷേധ ആക്രമണത്തില് സിപിഎം പ്രതിരോധത്തിലാണ്.
ദേശീയ തലത്തില് സിപിഎമ്മിന് ഒരിക്കലും ഒറ്റയ്ക്ക് നിലനില്ക്കാന് പറ്റില്ല. മൂന്നാം മുന്നണിയെന്ന സങ്കല്പ്പത്തെ തന്നെ ബിജെപി നേരത്തെ തച്ചുടച്ചിരുന്നു.കോണ്ഗ്രസ്സുമായി കൂട്ടുകൂടുക എന്നതാണ് ദേശീയ തലത്തില് സിപിഎമ്മിനു മുന്നിലുള്ള ഏക വഴി. സിപിഎം ജനറല് സെക്രട്ടറി സീതാറാം യെച്ചൂരിയുടെയും മനസ്സിലിരിപ്പ് ഇതാണ്. അതേസമയത്ത് യെച്ചൂരിയുടെ നിര്ദ്ദേശങ്ങള് മറികടന്ന് കോണ്ഗ്രസ്സിന് ദേശീയ തലത്തില് ദുര്ബലമാക്കുന്ന സമീപനമാണ് ഇടതു പക്ഷ സര്ക്കാര് ചെയ്തത്. ഇതിന്റെ നേട്ടം കൊയ്യുന്നത് ബിജെപിയായിരിക്കും.
തിരഞ്ഞെടുപ്പ് സമയത്ത് തന്നെ സോളാറില് കേസെടുത്തതിന് സോഷ്യല് മീഡിയയും ശക്തമായി പ്രതികരിക്കുന്നു. അന്വേഷണത്തിനിടയില് തിരിച്ചും മറിച്ചുമുള്ള സരിതയുടെ മൊഴിമാറ്റവും കോടതിയില് ചോദ്യം ചെയ്യും. ആരോപണം നേരിട്ട സരിതയ്ക്കു വേണ്ടി തമ്പാനൂര് രവി, ബെന്നി ബെഹന്നാന് എന്നിവര് പണം പിരിച്ചതും സജീവചര്ച്ചായായി. പണമിടപാടുകള് നിറഞ്ഞ ഒരു പീഡനകേസ് കോടതിയില് എങ്ങനെ നിലനില്ക്കുമെന്നും ചോദിക്കുന്നവരുമുണ്ട്.
ഇവര്ക്ക് ബാര് മുതലാളിമാരുമായുള്ള ബന്ധവും ചര്ച്ചയാകും. ഒരു പ്രമുഖ ബാര് ഉടമയുമായി സരിത നടത്തിയ കൂടിക്കാഴ്ചയും വിവാദമായിരുന്നു. മുമ്പ് സരിതാ കേസില്പെട്ടുപോയ അബ്ദുള്ളക്കുട്ടിക്കെതിരെ കേസെടുക്കാത്തതും വിചിത്രമായി. ജോസ്.കെ. മാണി തന്നെ പീഡിപ്പിച്ചിട്ടില്ലെന്ന് സരിത തന്നെ പറഞ്ഞിരുന്നുവെങ്കിലും അവര് ഉയര്ത്തി കാണിച്ച കത്തില് ജോസ്.കെ. മാണിയുടെ പേരുവന്നതും ചര്ച്ചയായി. സരിതയുടെ മാര്ഗ്ഗ ദര്ശികളായിരുന്നു പി.സി.ജോര്ജ്, ഗണേഷ് കുമാര്, ബാലകൃഷ്ണപിള്ള എന്നിവര്. എന്നാല് ഈ ഗണേഷ് കുമാറിനെതിരെ കേസെടുത്തിട്ടില്ല. അതേസമയം യുഡിഎഫ് നേതാക്കളുടെ വലിയ ശത്രുക്കളാണ് ഇവരെല്ലാം തന്നെ.
മുന് മുഖ്യമന്ത്രിക്കെതിരെ മാനഭംഗകേസെടുത്തു എന്നതു തന്നെ രാഷ്ട്രീയ കേരളത്തിന് ലജ്ഞാകരമാണ്. നീതിയുക്തമായ അന്വേഷണം നടന്നില്ലെങ്കില് അത് കോടതിയില് വരുമ്പോള് ചെറിയ വീഴ്ചകള്ക്കു പോലും പിണറായി വിജയന് വലിയ വില കൊടുക്കേണ്ടി വരും. തെളിവുകളില്ലാതെ രാഷ്ട്രിയവൈരികളെ കള്ളക്കേസില് കുടുക്കാന് ശ്രമിച്ചു എന്ന പേരു ദോഷം മാത്രം ബാക്കിയാകും.
https://www.facebook.com/Malayalivartha
