സോളാര് കേസ്: ഉദ്യോഗസ്ഥര്ക്കെതിരെ വകുപ്പുതല നടപടി സ്വീകരിക്കാന് സര്ക്കാര് തീരുമാനം
സോളാര് കേസ് അന്വേഷണ സംഘത്തിലെ ആറ് ഉദ്യോഗസ്ഥര്ക്കെതിരെ കൂടി വകുപ്പുതല നടപടി സ്വീകരിക്കാന് സര്ക്കാര് തീരുമാനിച്ചു. നിലവില് ട്രാഫിക്ക് സൗത്ത് സോണ് എസ്.പിയായ ജി. അജിത്തിനെ ആന്റി ടെററിസ്റ്റ് സ്ക്വാഡിലേക്കും െ്രെകം ബ്രാഞ്ച് ആസ്ഥാനത്തെ എസ്.പി. റെജി ജേക്കബിനെ തൃശൂര് പൊലീസ് അക്കാഡമിയുടെ അസിസ്റ്റന്റ് ഡയറക്ടറായും ഡി.വൈ.എസ്.പിമാരായ സുദര്ശന്, ജെയ്സണ് എന്നിവരെ യഥാക്രമം വയനാട് സെപ്ഷ്യല് ബ്രാഞ്ചിലേക്കും, കാസര്ഗോഡ് ഡി.സി.ആര്.ബിയിലേക്കും മാറ്റി. മാള സി.ഐ ബി. റോയിയെ പത്തനംതിട്ട െ്രെകംബ്രാഞ്ച് സാമ്പത്തിക കുറ്റാന്വേഷണ വിഭാഗത്തിലേക്കും നിലവില് എറണാകുളം സ്പെഷ്യല് ബ്രാഞ്ച് എസ്.ഐ ബിജു ലൂക്കോസിനെ കാസര്ഗോഡ് െ്രെകംബ്രാഞ്ചിലേക്കും മാറ്റി നിയമിച്ചു.
സോളാര് കേസിന്റെ അന്വേഷണത്തില് പ്രസ്തുത ഉദ്യോഗസ്ഥര് അനാസ്ഥ കാണിച്ചെന്ന സോളാര് കമ്മീഷന്റെ റിപ്പോര്ട്ടിന്റെ അടിസ്ഥാനത്തിലാണ് ഇവര്ക്കെതിരെ നടപടിയെടുത്തത്. നേരത്തെ സോളാര് കേസിന്റെ അന്വേഷണ സംഘത്തലവന് എ.ഹേമചന്ദ്രനെ െ്രെകംബ്രാഞ്ച് മേധാവി സ്ഥാനത്ത് നിന്ന് നീക്കിയിരുന്നു.
കെ.എസ്.ആര്.ടി.സി സി.എം.ഡി ആയാണ് അദ്ദേഹത്തിന് പുതിയ നിയമനം നല്കിയിരിക്കുന്നത്. എ.ഡി.ജി.പി കെ. പദ്മകുമാറിനെ മാര്ക്കറ്റ്ഫെഡ് എം.ഡിയായും മാറ്റി നിയമിച്ചു. പദ്മകുമാര്, ഡി.വൈ.എസ്.പി കെ. ഹരികൃഷ്ണന് എന്നീ പൊലീസുദ്യോഗസ്ഥര്ക്കെതിരെ തെളിവുകള് നശിപ്പിച്ചതുള്പ്പെടെയുള്ള കുറ്റങ്ങള്ക്ക് കേസെടുത്ത് അന്വേഷിക്കും. ഹേമചന്ദ്രന് അടക്കമുള്ള ഉദ്യോഗസ്ഥരുടെ പങ്കും പ്രത്യേകസംഘം അന്വേഷിക്കും.
https://www.facebook.com/Malayalivartha
