ദിലീപിനെതിരെ കുരുക്ക് മുറുകുന്നു; ആശങ്കയോടെ സിനിമാ ലോകവും സുഹൃത്തുക്കളും
കൊച്ചിയില് യുവനടി ആക്രമിക്കപ്പെട്ട സംഭവത്തില് നടന് ദിലീപിനെതിരായ കുരുക്ക് മുറുകുന്നു. കേസില് നിന്ന് രക്ഷപെടാന് ദിലീപ് വ്യാജരേഖയുണ്ടാക്കിയെന്ന പൊലീസിന്റെ കണ്ടെത്തല് ശരിയാണെങ്കില് അതീവഗുരുതരമാണെന്ന് നിയമവിദഗ്ധര് ചൂണ്ടിക്കാട്ടുന്നു. അന്വേഷസംഘം ആവശ്യപ്പെട്ടാല് ദിലീപിന്റെ ജാമ്യം റദ്ദാക്കാന് ഇത് മാത്രം മതിയെന്നും നിയമവിദഗ്ധര് പറയുന്നു. കഴിഞ്ഞ ഫെബ്രുവരി 14 മുതല് 21 വരെ പനിയായി ചികില്സയിലായിരുന്നെന്നാണ് മെഡിക്കല് രേഖകളില് പറയുന്നതെന്ന് പൊലീസ് പറയുന്നു. 17നാണ് നടി ആക്രമിക്കപ്പെടുന്നത്. തൊട്ടടുത്ത ദിവസം എറണാകുളം ദര്ബാര്ഹാളില് നടന്ന പ്രതിഷേധ യോഗത്തില് ദിലീപ് പങ്കെടുത്തിരുന്നു. ഇതെല്ലാം അന്വേഷണ സംഘം തെളിവുകള് സഹിതം കോടതിയില് ഹാജരാക്കിയാല് ഗൂഢാലോചനയില് ദിലീപിനുള്ള പങ്ക് കൂടുതല് വ്യക്തമാകും
അതേസമയം ദിലീപിനെ ഒന്നാം പ്രതിയാക്കുമെന്നും താരം വ്യാജരേഖ ചമച്ചെന്നുമുള്ള വാര്ത്തകര് ആരാധകരും ബന്ധുക്കളും സിനിമാ ലോകവും ആശങ്കയോടെയാണ് നോക്കിക്കാണുന്നത്. ജാമ്യംകിട്ടിയ ശേഷം വീട്ടുകാരുമായി കഴിയുകയായിരുന്നു ദിലീപ്. അതിനിടെ ശബരിമയിലും ഗുരുവായൂരും ഉള്പ്പെടെയുള്ള ക്ഷേത്രങ്ങളില് ദര്ശനം നടത്തി. വഴിപാടുകള് കഴിച്ചു. അടുത്തയാഴ്ച മുതല് കമാരസംഭവത്തില് അഭിനയിച്ചുതുടങ്ങാന് തീരുമാനിച്ചിരിക്കുകയാണ്. അണിയറപ്രവര്ത്തകര് അതിന്റെ ആശ്വാസത്തിലായിരുന്നു. എന്നാല് ഇന്നലെ മുതലുള്ള വാര്ത്തകള് അത്രശുഭകരമല്ലെന്നാണ് ഇവരും കരുതുന്നത്. വിചരണ കാലത്ത് തടവില് കഴിയേണ്ടതില് നിന്ന് രക്ഷപെട്ടപ്പോള് താരത്തെ സ്നേഹിക്കുന്നവരെല്ലാം സന്തോഷത്തിലായിരുന്നു. അതിന് മങ്ങലേല്ക്കരുതേ എന്ന പ്രര്ത്ഥനയിലാണ് അവരെല്ലാം.
കമാരസംഭവത്തിന് ശേഷം പ്രൊഫസര് ഡിങ്കനിലാണ് അഭിനയിക്കേണ്ടത്. പത്ത് ദിവസത്തോളം മാത്രമേ ചിത്രീകരണം നടന്നുള്ളൂ എങ്കിലും ത്രിഡിയില് ഒരുക്കുന്ന ചിത്രത്തിന്റെ അണിയറപ്രവര്ത്തനങ്ങള്ക്കായി ഒരു കോടിയിലധികം രൂപ നിര്മാതാവിന് ചെലവായിട്ടുണ്ട്. മാത്രമല്ല, പലിശയിനത്തില് മാസത്തില് ലക്ഷങ്ങളാണ് നിര്മാതാവ് നല്കുന്നത്. നാല് മാസത്തിലധികമായി സിനിമ മുടങ്ങിയിട്ട്. അതിനാല് ദിവസം ചെല്ലുന്തോറും നിര്മാതാവിന്റെ ബാധ്യത കൂടിവരുകയാണ്. ക്യാമറാമാന് രാമചന്ദ്രബാബു ആദ്യമായി സംവിധാനം ചെയ്യുന്ന സിനിമ എന്ന പ്രത്യേകതയും പ്രൊഫ. ഡിങ്കനുണ്ട്.
ദിലീപിന്റെ ജാമ്യാപേക്ഷ റദ്ദാക്കണമെന്ന് ആവശ്യപ്പെട്ട് അന്വേഷണ സംഘം താമസിക്കാതെ കോടതിയെ സമീപിക്കുമെന്നാണ് അറിയുന്നത്. ഇപ്പോഴത്തെ സാഹചര്യം അതിന് അനുകൂലമാണ്. കുറ്റപത്രം കോടതിയല് സമര്പ്പിക്കുന്നതിനൊപ്പം അങ്ങനെയൊരു നീക്കവും നടത്തിയാല് അത് തങ്ങള്ക്ക് അനുകൂലമാകുമെന്ന് അന്വേഷണ സംഘം കരുതുന്നു. ഇതിന് മുന്നോടിയായി പ്രോസിക്യൂഷനുമായി അന്വേഷണ സംഘം ചര്ച്ചകള് നടത്തിവരുകയാണ്. ജാമ്യം റദ്ദ് ചെയ്താല് പിന്നെ തടവില് കിടന്ന് വേണം ദിലീപ് വിചാരണ നേരിടാന്. അത് താരത്തിന് മാത്രമല്ല സിനിമാ ലോകത്തിന് തന്നെ വലിയ തിരിച്ചടിയാകും.
https://www.facebook.com/Malayalivartha
