മുക്കത്ത് സംഘര്ഷം: പ്രതിഷേധക്കാര്ക്ക് നേരെ പോലീസ് ഗ്രനേഡ് പ്രയോഗിച്ചു, ആക്രമണം ആസൂത്രിതമെന്ന ആരോപണവുമായി പോലീസ്, കുട്ടികളെയടക്കം പോലീസ് വാഹനത്തിലിട്ട് മര്ദ്ദിച്ചെന്ന് സമരക്കാര്
മുക്കം പോലീസ് സ്റ്റേഷന് മുന്നില് ഇന്നലെ നടന്ന ആക്രമണം ആസൂത്രിതമെന്ന ആരോപണവുമായി പോലീസ്. സ്റ്റേഷന് ആക്രമിക്കുമെന്ന മുന്നറിയിപ്പ് ഉണ്ടായതിനെ തുടര്ന്നാണ് പോലീസ് ലാത്തി വീശിയതെന്നു വടകര റൂറല് എസ്പി എം കെ പുഷ്ക്കരന് പറഞ്ഞു. ഇന്നലെ രാത്രി വൈകിയും തുടര്ന്ന സംഘര്ഷത്തില് കുട്ടികളടക്കം അറസ്റ്റിലായവരെ വാഹനത്തിലിട്ട് പോലീസ് ക്രൂരമായി മര്ദ്ദിച്ചെന്ന ആരോപണവുമായി ബന്ധുക്കള് രംഗത്തെത്തിയിട്ടുണ്ട്.
കൊച്ചിമംഗലാപുരം ഗെയില് വാതക പൈപ്പ് ലൈനെതിരെ കോഴിക്കോട് മുക്കത്ത് നടന്ന പ്രതിഷേധത്തിനിടെ പോലീസും പൈപ്പ്ലൈന് വിരുദ്ധ സമിതിയും തമ്മില് രവിലെ മുതല് സംഘര്ഷാവസ്ഥ നിലനില്ക്കുകയായിരുന്നു. പ്രതിഷേധക്കാര് പോലീസ് വാഹനം എറിഞ്ഞു തകര്ത്തു. സമരക്കാര്ക്കു നേരെ പോലീസ് ലാത്തി വീശുകയും സമരപ്പന്തല് പൊളിച്ചു നീക്കുകയും ചെയ്തിരുന്നു.
സംഘര്ഷം ഉണ്ടാക്കിയ 10 പേരെ രാവിലെ പോലീസ് അറസ്റ്റു ചെയ്തിരുന്നു. പ്രദേശത്ത് കൂടുതല് പോലീസിനെ വിന്യസിച്ചിരുന്നു. ലാത്തിച്ചാര്ജ് നടത്തിയതോടെ മുക്കത്തു നിന്നും പിന്വാങ്ങിയ സമരക്കാര് വലിയപറമ്പിലും പ്രതിഷേധം നടത്തുകയും ചെയ്തു. ഇവിടെയും പോലീസ് എത്തിയതിനെ തുടര്ന്ന് ഒരു വിഭാഗം സമരക്കാര് കല്ലായില് റോഡ് തടഞ്ഞും നടുറോഡില് ടയര് കൂട്ടിയിട്ട് കത്തിച്ചും പ്രതിഷേധിക്കുന്നുണ്ട്. കെഎസ്ആര്ടിസി ബസുകളും തടയുന്നുണ്ട്. സ്ഥലത്ത് ദ്രുതകര്മ്മ സേനയും എത്തിയിട്ടുണ്ട്.
ഗ്യാസ് അതോറിറ്റി ഓഫ് ഇന്ത്യ(ഗെയ്ല്)യുടെ നിര്ദ്ദിഷ്ട കൊച്ചിമംഗലാപുരം വാതക െപെപ്പ്െലെനിനെതിരെ എരഞ്ഞിമാവില് ഒരു മാസമായി നടന്നുവരുന്ന സമരം ഇന്നലെ അക്രമാസക്തമായി മാറുകയായിരുന്നു. തുടര്ന്ന് പോലീസും സമരക്കാരും തമ്മില് മണിക്കൂറുകളോളം തെരുവില് ഏറ്റുമുട്ടുകയു നിരവധിപേര്ക്കു പരുക്കേല്ക്കുകയും ചെയ്തിരുന്നു. സമരക്കാര് കെ.എസ്.ആര്.ടി.സി. ബസുള്പ്പെടെ എറിഞ്ഞു തകര്ത്തു.
പൊതുമുതല് നശിപ്പിച്ചതിനും പോലീസിന്റെ കൃത്യ നിര്വഹണം തടസ്സപ്പെടുത്തിയതിനുമാണ് അറസ്റ്റ്. മഞ്ചേരി സ്റ്റേഷനിലെത്തിച്ച ഇവരെ കോടതിയില് ഹാജരാക്കി. എരഞ്ഞിമാവ് ഗെയില് വിരുദ്ധ സമരത്തിന്റെ തുടര്ച്ചയായാണ് വാലില്ലാപ്പുഴയിലും അനിഷ്ട സംഭവങ്ങളുണ്ടായി.
അറസ്റ്റ് ചെയ്തവരെ വിട്ടില്ല എന്നത് ആരോപിച്ച് രാത്രി െവെകിയും സംഘര്ഷമുണ്ടായിരുന്നു. രാവിലെ സംഘര്ഷത്തിനിടെ സംസ്ഥാന പാതയോരത്ത് എരഞ്ഞിമാവിലും പന്നിക്കോട് റോഡിലും നിര്മ്മിച്ച സമരപന്തലും വിവിധ സംഘടനകളുടെ കൊടികളും ഫല്ക്സ് ബോര്ഡുകളും പോലീസ് അടിച്ചുതകര്ത്തു. വിവിധ സ്ഥലങ്ങളില് സമരക്കാര് റോഡ് മരങ്ങളും പോസ്റ്റുകളും കുറുകെയിട്ടും ടയറുകള് കത്തിച്ചും തടസപ്പെടുത്തി. ഇതോടെ വലിയപറമ്പിലും തുടര്ന്ന് കല്ലായിയിലും സമരക്കാര്ക്കു നേരെ പോലീസ് കണ്ണീര്വാതകം പ്രയോഗിച്ചു.
https://www.facebook.com/Malayalivartha
