കോടിയേരിയുടെ മകന്റെ സാമ്പത്തിക തട്ടിപ്പ് സി.പി.എമ്മിന് ക്ഷീണമുണ്ടാക്കിയെന്ന് ബംഗാള് ഘടകം
കോടിയേരി ബാലകൃഷ്ണന്റെ മകന് ബിനോയി കോടിയേരി ദുബായിലുണ്ടാക്കിയ സാമ്പത്തിക തട്ടിപ്പ് സി.പി.എമ്മിന് ക്ഷീണമുണ്ടാക്കിയെന്ന് ബംഗാള് ഘടകത്തിന്റെ വിമര്ശനം. അതിനാല് പൊളിറ്റ് ബ്യൂറോ നിലപാട് വ്യക്തമാക്കണം. കേരളത്തിലെ സെക്രട്ടറിയേറ്റ് മാത്രമാണ് ഇതുവരെ നിലപാട് വ്യക്തമാക്കിയത്. മാനവ് മുഖര്ജി, മൊയ്തുള് ഹസന് എന്നിവരാണ് വിമര്ശനം ഉന്നയിച്ചത്. ജനറല് സെക്രട്ടറി സീതാറാം യെച്യൂരിക്കെതിരെ കേരളഘടകത്തിലുള്ള വിമര്ശനങ്ങളെയും ഇവര് എതിര്ത്തു. ഇതോടെ കേരള, ബാംഗാള് ഘടകങ്ങള് തമ്മിലുള്ള അഭിപ്രായഭിന്നത മറനീക്കി പുറത്ത് വന്നിരിക്കുകയാണ്.
വരുന്ന ലോക്സഭാ തെരഞ്ഞെടുപ്പില് കോണ്ഗ്രസുമായി തെരഞ്ഞെടുപ്പ് സഖ്യം വേണമെന്നാണ് ബംഗാള് ഘടകത്തിന്റെ ആവശ്യം. ഇല്ലെങ്കില് ബാംഗാളില് അധികാരത്തിലേറാനാവില്ല. കേരള ഘടകം ഇതിനെതിരാണ്. ഇതേ തുടര്ന്നാണ് ജനറല് സെക്രട്ടറി സി.സിയില് അവതരിപ്പിച്ച പ്രമേയത്തെ കേരളത്തിലെ നേതാക്കള് എതിര്ത്ത് വോട്ട് ചെയ്തത്. മുമ്പ് യെച്യൂരിയെ കോണ്ഗ്രസിന്റെ സഹായത്തോടെ രാജ്യസഭയില് എത്തിക്കാനുള്ള ബംഗാള് ഘടകത്തിന്റെ നീക്കത്തെയും കേരള ഘടകവും പ്രകാശ് കാരാട്ട് അടക്കമുള്ള നേതാക്കളും എതിര്ത്തിരുന്നു.
https://www.facebook.com/Malayalivartha
