മന്ത്രി ജലീലിന്റെ മോര്‍ഫ് ചെയ്ത ചിത്രം പ്രചരിപ്പിച്ച പ്രവാസി പിടിയില്‍
09 FEBRUARY 2018 10:34 PM IST
മലയാളി വാര്‍ത്ത
മന്ത്രി കെ.ടി ജലീലിന്റെ ചിത്രം മോര്‍ഫ് ചെയ്ത് അശ്ലീല ചിത്രം പ്രചരിപ്പിച്ച പ്രവാസി അറസ്റ്റില്‍. കുറ്റിപ്പുറം നടുവട്ടം സ്വദേശി പറമ്പാടന്‍ ഷമീര്‍ (34) ആണ് അറസ്റ്റിലായത്. നെടുമ്പാശേരി വിമാനത്താവളത്തില്‍ വച്ചാണ് ഇയാള്‍ അറസ്റ്റിലായത്.
വിദേശത്തായിരുന്ന ഇയാള്‍ ഒരു വര്‍ഷം മുന്‍പാണ് മന്ത്രിക്കെതിരെ മോര്‍ഫ് ചെയ്ത ചിത്രം പ്രചരിപ്പിച്ചത്. സോഷ്യല്‍ മീഡിയയിലെ പോസ്റ്റ് ചെയ്ത മന്ത്രിയുടെ ഓഫീസ് സൈബര്‍ സെല്ലില്‍ പരാതി നല്‍കിയിരുന്നു. തുടര്‍ന്ന് ഇയാള്‍ വിദേശത്താണെന്ന് കണെടത്തി.
നാട്ടിലേക്ക് മടങ്ങിയെത്തിയ ഇയാളെ വിമാനത്താവളത്തില്‍ വച്ച് പിടികൂടുകയായിരുന്നു. ചോദ്യം ചെയ്യലിനായി തിരുവനന്തപുരത്തെ ഹൈടെക് സെല്ലിലേക്ക് കൊണ്ടുവന്ന പ്രതിയെ പിന്നീട് കോടതിതില്‍ ഹാജരാക്കി ജാമ്യത്തില്‍ വിട്ടയച്ചു.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
