ബൈക്ക് അപകടത്തിൽപെട്ട് യുവാവ് രക്തം വാർന്ന് നടുറോഡിൽ; രക്ഷകനായെത്തിയത് അഭിഭാഷകൻ...
ബൈക്ക് കാറിലിടിച്ച് റോഡിലേക്ക് തെറിച്ചു വീണ യുവാവിന് രക്ഷകനായത് അഭിഭാഷകന്. ആരോരും തിരിഞ്ഞുനോക്കാനില്ലാതെ നടുറോഡില് കിടക്കുകയായിരുന്ന യുവാവിന് ജീവന് തിരിച്ച് കിട്ടിയത് അഭിഭാഷകന്റെ അവസരോചിതമായ ഇടപെടല് മൂലമായിരുന്നു. വാഹനാപകടത്തില് ഗുരുതരമായി പരിക്കേറ്റ് രക്തം വാര്ന്നു റോഡില് കിടന്ന യുവാവിനെ അഭിഭാഷകനും മുന് എന് വൈസി സംസ്ഥാന പ്രസിഡന്റുമായ മുജീബ് റഹ്മാന് രക്ഷിക്കുകയായിരുന്നു. ചുനക്കര ജംഗ്ഷന് സമീപം ഇന്നലെ വൈകുന്നേരമായിരുന്നു വാഹനാപകടം നടന്നത്.
പത്തനാപുരം പുന്നല സ്വദേശി പ്രദീഷാണ് അപകടത്തില്പ്പെട്ടു ആരും തിരിഞ്ഞുനോക്കാതെ പത്തുമിനിറ്റോളം റോഡില് കിടന്നത്. ഈ സമയത്താണ് ഇതുവഴിയെത്തിയ അഭിഭാഷകന് സ്വന്തം കാറില് കയറ്റി നൂറനാട് കെസിഎം ആശുപത്രിയില് എത്തിക്കുകയും പ്രാഥമിക ചികിത്സ ഉറപ്പുവരുത്തുകയുമായിരുന്നു.
അബോധാവസ്ഥയിലായ യുവാവിനെ പിന്നീട് ആലപ്പുഴ വണ്ടാനം മെഡിക്കല് കോളജ് ആശുപത്രിയില് പ്രവേശിപ്പിക്കുകയും സംഭവം ഇദ്ദേഹം ഫേസ്ബുക്കില് പോസ്റ്റ് ചെയ്യുകയും ഇതിലൂടെ യുവാവിന്റെ ബന്ധുക്കള് അപകടവിവരം അറിയുകയും ചെയ്തു. ബ്രേക്കിട്ട കാറിനു പിന്നിലേക്ക് ബൈക്ക് ഇടിച്ചുകയറിയാണ് അപകടമുണ്ടായത്.
https://www.facebook.com/Malayalivartha
