അനിശ്ചിതകാല ബസ് സമരം പിന്‍വലിച്ചു. മുഖ്യമന്ത്രിയുമായി നടത്തി ചര്‍ച്ചയിലാണ് തീരുമാനം.

തീരുമാനം മുഖ്യമന്ത്രിയുടെ അഭ്യര്‍ത്ഥനമാനിച്ചെന്ന് ബസ് ഉടമകള്‍.ജനങ്ങളുടെ ബുദ്ധിമുട്ട് മാനിക്കുന്നു.

ആവശ്യങ്ങളില്‍ പിന്നീട് ചര്‍ച്ചയാകാമെന്ന് ഉറപ്പ് കിട്ടിയെന്ന് ബസ് ഉടമകള്‍ പറഞ്ഞു. കഴിഞ്ഞ 5 ദിവസമായി ബസ് ഉടമകള്‍ സംസ്ഥാനത്ത് അനിശ്ചിതകാല സമരം നടത്തുകയായിരുന്നു. 

വിദ്യാർഥികളുടെ ബസ് കൺസെഷൻ നിരക്ക് വർധിപ്പിക്കണം എന്ന ആവശ്യം അംഗീകരിക്കാതെ വന്നതോടെ സമരവുമായി മുന്നോട്ട് പോകുമെന്ന് ബസുടമകൾ അറിയിക്കുകയായിരുന്നു. ബസുകൾ പിടിച്ചെടുക്കുന്നതടക്കമുള്ള കടുത്ത തീരുമാനങ്ങളിലേക്ക് സർക്കാരിനെ നയിക്കരുതെന്ന് ഗതാഗതമന്ത്രി മുന്നറിയിപ്പ് നൽകിയിരുന്നു.

എന്തുവന്നാലും വിദ്യാർഥികളുടെ കൺസെഷൻ വർധിപ്പിക്കില്ലെന്നും മന്ത്രി ആവർത്തിച്ചു. ഇതിനു പിന്നാലെ ബസുകളുടെ പെർമിറ്റ് റദ്ദാക്കാതിരിക്കാനുള്ള കാരണമുണ്ടെങ്കിൽ അറിയിക്കാനാവശ്യപ്പെട്ട് ഉടമകൾക്ക് നോട്ടീസ് നൽകാനും സർക്കാർ തീരുമാനിച്ചു.