വനിതാ ഡോക്ടറെ ഹോസ്റ്റല് മുറിയില് മരിച്ച നിലയില് കണ്ടെത്തി.. ഞെട്ടലിലാണ് സഹപ്രവര്ത്തകരും നാട്ടുകാരും..ഹോസ്റ്റല് മുറി അകത്തുനിന്ന് കുറ്റിയിട്ട നിലയിലായിരുന്നു..
വനിതാ ഡോക്ടറുടെ ആത്മഹത്യയിൽ ഞെട്ടി കുടുംബവും സഹപ്രവർത്തകരും . ചേര്പ്പുങ്കലിലെ സ്വകാര്യ ആശുപത്രിയിലെ വനിതാ ഡോക്ടറെ ഹോസ്റ്റല് മുറിയില് മരിച്ച നിലയില് കണ്ടെത്തി. പത്തനംതിട്ട ഉള്ളന്നൂര് പാറയിരുക്കുന്നതില് പടിഞ്ഞാറ്റേതില് സുബിന് പി. വര്ഗീസിന്റെ ഭാര്യ ഡോ. ഷേബ റേയ്ച്ചല് (ലക്ഷ്മി ആര്. പണിക്കര് - 30) ആണ് മരിച്ചത്. ചേര്പ്പുങ്കല് മാര് സ്ലീവാ മെഡിസിറ്റിയിലെ ഡോക്ടറായ ഷേബയെ കെഴുവംകുളത്തെ താമസസ്ഥലത്താണ് തൂങ്ങിമരിച്ച നിലയില് കണ്ടെത്തിയത്.
മരണത്തിന് പിന്നിലെ യഥാര്ത്ഥ കാരണം കണ്ടെത്താന് പോലീസ് വിശദമായ അന്വേഷണം ആരംഭിച്ചു.ഹോസ്റ്റല് മുറി അകത്തുനിന്ന് കുറ്റിയിട്ട നിലയിലായിരുന്നു. വൈകുന്നേരമായിട്ടും ഡോക്ടറെ പുറത്തുകാണാത്തതിനെത്തുടര്ന്ന് നടത്തിയ പരിശോധനയിലാണ് മൃതദേഹം കണ്ടെത്തിയത്. ഉടന്തന്നെ പാലാ പോലീസില് വിവരമറിയിച്ചു. പ്രാഥമിക പരിശോധനയില് ആത്മഹത്യയാണെന്നാണ് പോലീസിന്റെ നിഗമനമെങ്കിലും മറ്റ് അസ്വാഭാവികതകളുണ്ടോ എന്ന് പോലീസ് പരിശോധിച്ചുവരികയാണ്.
കുടുംബപ്രശ്നങ്ങളോ ജോലി സംബന്ധമായ സമ്മര്ദ്ദങ്ങളോ മരണത്തിന് കാരണമായിട്ടുണ്ടോ എന്നും അന്വേഷണ പരിധിയിലുണ്ട്.ഫോറന്സിക് വിദഗ്ധരും വിരലടയാള വിദഗ്ധരും സ്ഥലത്തെത്തി തെളിവുകള് ശേഖരിച്ചു. മരണത്തിന് തൊട്ടുമുമ്പുള്ള മണിക്കൂറുകളില് ഷേബ ആരുമായൊക്കെ ആശയവിനിമയം നടത്തി എന്നത് കണ്ടെത്താന് മൊബൈല് ഫോണ് രേഖകള് പോലീസ് പരിശോധിക്കുന്നുണ്ട്. മരണത്തില് ദുരൂഹതയുണ്ടോ എന്ന് വ്യക്തമാകണമെങ്കില് പോസ്റ്റ്മോര്ട്ടം റിപ്പോര്ട്ട് ലഭിക്കണമെന്ന് പാലാ പോലീസ് അറിയിച്ചു.
കോന്നി ഇ.എം.എസ്. ചാരിറ്റബിള് സൊസൈറ്റി ഭരണസമിതി അംഗം വി. രംഗനാഥിന്റെയും റിട്ട. തഹസീല്ദാര് സതിയമ്മയുടെയും മകളാണ് ഡോ. ഷേബ. കുടുംബാംഗങ്ങളുടെ മൊഴി പോലീസ് രേഖപ്പെടുത്തി വരികയാണ്. അപ്രതീക്ഷിതമായുണ്ടായ മരണത്തിന്റെ ഞെട്ടലിലാണ് സഹപ്രവര്ത്തകരും നാട്ടുകാരും.പോലീസും അന്വേഷണം തുടങ്ങി .
https://www.facebook.com/Malayalivartha
