ഷുഹൈബ് വധക്കേസിൽ മുഖ്യമന്ത്രി പിണറായി വിജയനെ വിമർശിച്ച് പ്രതിപക്ഷ നേതാവ് രമേശ് ചെന്നിത്തല. സിനിമകളെപ്പറിയും പാട്ടിനെ പറ്റിയും വാചാലമായി ഫെയ്സ്ബുക്ക് പോസ്റ്റിട്ട മുഖ്യമന്ത്രിക്ക് തന്റെ വീടിന് തൊട്ടടുത്തുള്ള കൊലപാതകത്തെ പറ്റി പ്രതികരിക്കാന്‍ ആറ് ദിവസമാണെടുത്തതെന്നു രമേശ് ചെന്നിത്തല പറഞ്ഞു. കണ്ണൂരിലേക്കുള്ള വഴിയെ കോഴിക്കോട് വെച്ച് മാധ്യമങ്ങളോട് സംസാരിക്കുകയായിരുന്നു അദ്ദേഹം.

ഷുഹൈബ് വധക്കേസിലെ യഥാര്‍ഥ പ്രതികളെ പോലീസ് രക്ഷിക്കാന്‍ ശ്രമിക്കുന്നുവെന്നും അന്വേഷണസംഘത്തില്‍ വിശ്വാസമില്ലെന്നും ചെന്നിത്തല പറഞ്ഞു. 'കണ്ണൂര്‍ റേഞ്ച് ഐജി മഹിപാല്‍ യാദവിന്റെ നേതൃത്വത്തിലാണ് അന്വേഷണം നടക്കുന്നത്. എന്നാല്‍ സെന്റട്രല്‍ ഡെപ്യൂട്ടേഷന് അനുവാദം കിട്ടിയ വ്യക്തിയാണ് മഹിപാല്‍. അങ്ങനെയൊരാള്‍ക്ക് അന്വേഷണ ചുമതല നല്‍കിയതെന്തിനാണ്..? പോലീസ് അന്വേഷണത്തില്‍ വിശ്വാസമില്ല. ഗൂഡോലനയുണ്ടെന്ന് എഡിജിപി പറഞ്ഞ സാഹചര്യത്തില്‍ പ്രതികള്‍ക്കെതിരെ 120 ബി പ്രകാരം കേസെടുക്കണം. ഷുഹൈബിനെ വെട്ടികൊലപ്പെടുത്തിയ കേസില്‍ പ്രതികരിക്കാന്‍ മുഖ്യമന്ത്രി ആറ് ദിവസമാണെടുത്തത്.സിനിമകളെപ്പറിയും പാട്ടിനെ പറ്റിയും വാചാലമായി ഫെയ്സ്ബുക്ക് പോസ്റ്റിട്ട മുഖ്യമന്ത്രിക്ക് തന്റെ വീടിന് തൊട്ടടുത്തുള്ള കൊലപാതകത്തെ പറ്റി പ്രതികരിക്കാന്‍ ആറ് ദിവസമാണെടുത്തത്.ഇത് ആഭ്യന്തര വകുപ്പിന്റെ ശോചനീയാവസ്ഥയാണ് കാണിക്കുന്നത്''- രമേശ് ചെന്നിത്തല പറഞ്ഞു.