സോഷ്യല്‍ മീഡിയ വഴി വ്യാപകമായി പ്രചരിക്കുന്ന സന്ദേശമാണ് പവിഴമല്ലിയുടെ ഇല വെള്ളത്തിലിട്ട് തിളപ്പിച്ച് രോഗിക്ക് കൊടുത്താല്‍ നിപ വൈറസ് മൂലമുണ്ടാകുന്ന പനിയെ പ്രതിരോധിക്കാനാകുമെന്ന്. എന്നാല്‍ ഇതില്‍ സത്യാവസ്ഥയില്ലെന്നാണ് ആയുര്‍വേദ ഡോക്ടര്‍ മാര്‍ പറയുന്നത്.

എന്തായാലും വാട്‌സ് അപ്പിലും മറ്റും സന്ദേശം ലഭിച്ചതോടെ പലരും പവിഴമല്ലിചെടി അന്വേഷിച്ചിറങ്ങിയെന്നത് സത്യം. എന്തായാലും പവിഴമല്ലിയുമായി ബന്ധപെട്ട് പ്രചരിക്കുന്ന സന്ദേശം തെറ്റെന്ന് വ്യക്തമാക്കുന്ന ആരോഗ്യ വകുപ്പ് പനിയുടെ ലക്ഷണങ്ങള്‍ പ്രകടിപ്പിക്കുന്നവര്‍ ഉടന്‍ തന്നെ അടുത്തുള്ള ആശുപത്രികളില്‍ ചികിത്സ തേടണമെന്നും ആരോഗ്യവകുപ്പ് നിര്‍ദ്ദേശിക്കുന്നു.

എല്ലാ പനികളും നിപ വൈറസ് ബാധയല്ലെന്നും കൃത്യസമയത്ത് ചികിത്സ തേടുന്നതിന് തയ്യാറാകണമെന്നും ആരോഗ്യവകുപ്പ് വ്യക്തമാക്കുന്നു. പലവ്യാജ പ്രചരണങ്ങലും നിപാ വൈറസിന്റെ പേരില്‍ പ്രചരിക്കുകയാണ്. ഇത്തരം പ്രചരണങ്ങള്‍ തെറ്റിദ്ധാരണ പരത്തുന്നതാണെന്നും ശാസ്ത്രീയമായ പഠനങ്ങളിലൂടെ തെളിയിക്കപെട്ടതല്ലെന്നും ആരോഗ്യവകുപ്പ് ആവര്‍ത്തിക്കുന്നു. വ്യാജ പ്രചരണങ്ങളില്‍ കുടുങ്ങാതെ ആരോഗ്യവകുപ്പ് നല്‍കുന്ന മുന്നറിയിപ്പ് പാലിക്കാന്‍ തയ്യാറാകണമെന്നും ആരോഗ്യവകുപ്പ് നിര്‍ദ്ദേശിക്കുന്നു.

വീഡിയോ കാണാം....