കെവിനുമായുള്ള ജീവിതച്ചുവടുകൾ ബന്ധുക്കളുടെ ദുരഭിമാനത്തിനുമുന്നിൽ പൂർത്തിയാക്കാനാകാതെപോയ ഭാര്യ നീനു ഏവർക്കും ഹൃദയ വേദനയായി മാറി. കാണാതാകുന്ന ദിവസം കെവിൻ ധരിച്ചിരുന്ന ടി ഷർട്ട് നീനു വാങ്ങിക്കൊടുത്തതായിരുന്നു. ജീവൻ വിട്ടുപോകുന്ന നിമിഷവും നീനുവിന്റെ സ്നേഹസമ്മാനം കെവിൻ കൈവിട്ടില്ല. നട്ടാശേരിയിലെ വീട്ടിൽനിന്ന്​ കെവി​ന്റെ മൃതദേഹം സംസ്​കാരചടങ്ങിന്​ കൊണ്ടുപോകുമ്പോൾ അലമുറയിട്ട്​​​ യാത്രാമൊഴി നേരുന്ന ഭാര്യ നീനു. കെവിന്റെ പിതാവ്​ ജോസഫ്​ ജേക്കബിന്റെ പിന്നിൽ

ആ നീല ഷർട്ട്​ നെഞ്ചോട്​ ചേർത്ത്​ നീനു. ഇപ്പോഴും കെവിന്റെ സ്നേഹത്തിന്റെ ചൂടുള്ള നീലക്കുപ്പായം. ഇരുവരും ഒന്നിച്ചു യാത്രചെയ്തപ്പോൾ കെവിൻ ധരിച്ച ഷർട്ടായിരുന്നു അത്. ആ നല്ല നിമിഷങ്ങളുടെ ഓർമകളായിരുന്നു അന്ത്യമൊഴി നൽകാനുള്ള ആ യാത്രയിൽ അവളുടെ ഹൃദയത്തോട് ചേർത്ത് വച്ചത്.

സംസ്കാര ചടങ്ങുകൾ നടന്ന ദിവസം രാവിലെ കെവിന്റെ വീട്ടിലെ മുറിയിൽ നീല ഷർട്ട് കണ്ട നീനു അതു കയ്യിലെടുക്കുകയായിരുന്നു. തന്നെ അവസാനമായി കാണുമ്പോൾ കെവിൻ ധരിച്ചിരുന്ന ഷർട്ട് മടക്കുകൾപോലും നിവർത്താതെ നീനു സൂക്ഷിക്കുന്നുണ്ട് ഇപ്പോഴും.