നിപ്പ വൈറസ് പടര്‍ന്നു പിടിച്ച കോഴിക്കോട് ജില്ലയിലെ കുറ്റിയാടിയില്‍ നിന്നുള്ള മുസ്‌ളിംലീഗ് അംഗമായ പാറയ്ക്കല്‍ അബ്ദുള്ള നിയമസഭയില്‍ മാസ്‌കും കൈയുറയും ധരിച്ചെത്തിയത് വിവാദമായി. ഇതേച്ചൊല്ലി ഭരണ പ്രതിപക്ഷ ബഹളമുണ്ടായി.

കാരുണ്യ പദ്ധതി സംബന്ധിച്ച ചോദ്യം ചോദിച്ചപ്പോഴായിരുന്നു പാറയ്ക്കല്‍ അബ്ദുള്ളയുടെ ഈ നടപടി. എന്നാല്‍ എം.എല്‍.എയുടെ നടപടി എന്നാല്‍ അബ്ദുള്ളയുടെ നടപടി അപഹാസ്യമാണെന്ന് ആരോഗ്യ മന്ത്രി കെ.കെ.ശൈലജ പറഞ്ഞു. സര്‍ക്കാരും സൗമൂഹവും ഗൗരവത്തോടെ കാണുന്ന വിഷയത്തെ എം.എല്‍.എ പരിഹാസത്തിന്റെ രീതിയിലാണ് കണ്ടതെന്നും ഇത് സര്‍ക്കാരിനെ അപഹസിക്കുന്നതായിപ്പോയെന്നും മുഖ്യമന്ത്രി പിണറായി വിജയന്‍ പറഞ്ഞു.

എന്നാല്‍, ജനങ്ങളുടെ ആശങ്ക സഭയുടെ ശ്രദ്ധയില്‍ കൊണ്ടുവരികയാണ് ചെയ്തതെന്ന് പ്രതിപക്ഷ നേതാവ് രമേശ് ചെന്നിത്തല പറഞ്ഞു. ഇതോടെയാണ് ഭരണ പ്രതിപക്ഷ വാക്കേറ്റമുണ്ടായത്.