സര്ക്കാരിന് അടുത്ത തിരിച്ചടി : നികുതി വര്ധനയ്ക്കെതിരെ എട്ടു മുതല് സിപിഎം സമരം
ഉമ്മന്ചാണ്ടി സര്ക്കാരിന് വീണ്ടും സിപിഎമ്മിന്റെ സമരഭീഷണി. സോളാര് വിഷയത്തില് തുടര്ച്ചായായ സമരങ്ങള്ക്ക് നേതൃത്വം നല്കി സര്ക്കാരിനെ പ്രതിരോധത്തിലാക്കിയ സിപിഎം നികുതിവര്ധനയിലും ഇതേ തന്ത്രം പുറത്തെടുക്കുന്നു. ഒക്റ്റോബര് എട്ടു മുതല് ശക്തമായ സമരവുമായി രംഗത്തെത്തുകയാണെന്ന് സിപിഎം സംസ്ഥാന സെക്രട്ടറി പിണറായി വിജയന് വാര്ത്താസമ്മേളനത്തില് പറഞ്ഞു.
ലോക്സഭ തെരഞ്ഞെടുപ്പില് ചിലര് ജാതിമത വികാരം ആളിക്കത്തിച്ചു. സംഘടനാപരമായ ചില പാളിച്ചകള് സിപിഎം കണ്ടെത്തിയിട്ടുണ്ട്. ന്യൂനപക്ഷത്തിനെതിരായ വികാരമായി അന്യമത വിരോധം മാറ്റാന് ശ്രമിച്ചു. മതനേതൃത്വങ്ങള് കോണ്ഗ്രസ് പാര്ട്ടിക്ക് വേണ്ടി പ്രവര്ത്തിച്ചുവെന്നും അദ്ദേഹം പറഞ്ഞു.
മാലിന്യപ്രശ്നം പ്രധാന വിഷയമായി പാര്ട്ടി ഏറ്റെടുക്കും. നവംബര് ഒന്നിന് പാര്ട്ടി പ്രവര്ത്തകര് സംസ്ഥാന വ്യാപകമായി ശുചീകരണ പ്രവര്ത്തനങ്ങളില് നടത്തും. മാലിന്യ സംസ്കരണത്തിന് നഗരസഭകളും തദ്ദേശസ്വയംഭരണ സ്ഥാപനങ്ങളും പ്രത്യേകം ശ്രദ്ധചെലുത്തണമെന്നും പിണറായി ആവശ്യപ്പെട്ടു.
ലോക്സഭ തെരഞ്ഞെടുപ്പിലെ തിരുവനന്തപുരത്തെ തോല്വിയുമായി ബന്ധപ്പെട്ട് സിപിഐയില് സ്വീകരിച്ച അച്ചടക്ക നടപടിയെക്കുറിച്ച് സിപിഎമ്മിന് അറിവില്ല. തിരുവനന്തപുരത്തെ സ്ഥാനാര്ഥിക്ക് പൊതു സ്വീകാര്യത ഇല്ലായിരുന്നുവെന്നും ഇക്കാര്യം തെരഞ്ഞെടുപ്പിന് മുന്പ് മനസിലാക്കുന്നതില് പരാജയപ്പെട്ടുവെന്നും പിണറായി വിജയന് പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
