മന്ത്രി തിരുവഞ്ചൂരിനെ തടഞ്ഞ് കൈയ്യേറ്റം ചെയ്യാന് ശ്രമിച്ച ജോയ്സ് ജോര്ജ് എംപിയെ കോണ്ഗ്രസുകാര് കൈവച്ചു; ജോയ്സ് കൊലകൊല്ലിയെന്ന് തിരുവഞ്ചൂര്
ഇടുക്കി മാമലക്കണ്ടത്ത് വനം വകുപ്പ് ഉദ്യോഗസ്ഥര് പൊളിച്ച് മാറ്റിയ കലുങ്ക് കാണാനെത്തിയ മന്ത്രി തിരുവഞ്ചൂര് രാധാകൃഷ്ണന്റെ വാഹനം ജോയ്സ് ജോര്ജ് എംപിയുടെ നേതൃത്വത്തില് തടയുകയും കൈയ്യേറ്റം ചെയ്യാന് ശ്രമിക്കുകയും ചെയ്തു. തൂടര്ന്ന് ഇടുക്കി ഡിസിസി പ്രസിഡന്റിന്റെ നേതൃത്വത്തില് കോണ്ഗ്രസുകാര് ജോയ്സ് ജോര്ജിനെ തടയുകയും കൈയ്യേറ്റം ചെയ്യുകയും ചെയ്തു.
മലയോര ഹൈവേയില് വനംവകുപ്പ് ഉദ്യോഗസ്ഥര് കലുങ്കുകള് പൊളിച്ചത് പരിശോധിക്കാനെത്തിയതായിരുന്നു മന്ത്രി. സംഭവത്തെ തുടര്ന്ന് ഒരുമണിക്കൂറോളം സ്ഥലത്ത് സംഘര്ഷാവസ്ഥ നിലനിന്നിരുന്നു.
തുടര്ന്ന് ജോയ്സ് ജോര്ജ് എംപിക്കെതിരേ രൂക്ഷവിമര്ശനവുമായി മന്ത്രി തിരുവഞ്ചൂര് രാധാകൃഷ്ണന് രംഗത്തെത്തി. ഒരു ജനപ്രതിനിധിയെ പോലെയല്ല ജോയ്സ് ജോര്ജ് ഇടുക്കിയില് തന്നോടു പെരുമാറിയതെന്ന് അദ്ദേഹം പറഞ്ഞു. കൊലകൊല്ലിയെപ്പോലെയാണ് എംപി തന്റെ വാഹനം തടഞ്ഞത്. സിപിഎം നേതാക്കള് പോലും തന്നോട് മാന്യമായാണ് പെരുമാറിയതെന്നും തിരുവഞ്ചൂര് പറഞ്ഞു.
റോഡ് വരികയല്ല എംപിയുടെ താല്പര്യം. വഴക്കുണ്ടാക്കാനായി അദ്ദേഹം മന:പൂര്വം വഴിതടയുകയായിരുന്നുവെന്നും തിരുവഞ്ചൂര് ആരോപിച്ചു. എംപി സമരം ചെയ്യേണ്ടത് പാര്ലമെന്റിലാണ്. പകരം അദ്ദേഹം പഞ്ചായത്തില് ശ്രദ്ധ കേന്ദ്രീകരിച്ചിരിക്കുകയാണ്. കോട്ടക്കമ്പൂരിലെ സ്ഥലമിടപാട് കേസാണ് എംപിക്ക് തന്നോടുള്ള വിരോധത്തിനു കാരണം. ഒരാള് കാണിക്കുന്ന കൊള്ളരുതായ്മയ്ക്ക് ആദിവാസികളെ ശിക്ഷിക്കില്ലെന്നും മന്ത്രി പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
