ജന്തു ശാസ്ത്രം പഠിക്കുന്നതിന്റെ ഭാഗമായി ജീവികളെ കീറി മുറിക്കുന്ന ഏര്‍പ്പാട് അവസാനിക്കുന്നു. തവളയെയും പല്ലിയെയും പിടികൂടി ലാബിലെത്തിച്ച്  കീറി മുറിക്കുന്ന പതിവ് അവസാനിപ്പിക്കാന്‍ തീരുമാനിച്ചത് സാക്ഷാല്‍ യുജിസിയാണ്.രാജ്യത്തെ എല്ലാ സര്‍വകലാശാലകള്‍ക്കും യുജിസി ഇതു സംബന്ധിച്ച് നിര്‍ദ്ദേശം നല്‍കി. വിദ്യാര്‍ത്ഥികളുടെ സംരക്ഷണത്തിനായി ജീവികളെ ഉപയോഗിക്കുന്നതിന്, പകരം സംവിധാനം കണ്ടെത്താനാണ് നിര്‍ദ്ദേശം. രാജ്യത്ത് ദിവസം തോറും വിദ്യാഭ്യാസ സ്ഥാപനങ്ങളുടെ എണ്ണം കൂടി വരുന്ന പശ്ചാത്തലത്തില്‍ ജന്തുക്കളുടെ വംശനാശവും വര്‍ധിച്ചു വരികയാണെന്ന് യുജിസി സര്‍വകലാശാലകള്‍ക്ക് നല്‍കിയ  മാര്‍ഗ്ഗനിര്‍ദ്ദേശത്തില്‍ പറയുന്നു. വംശനാശം നേരിടുന്ന ജീവികളെ വരെ ഇത്തരത്തില്‍ ഉപയോഗിക്കുന്നതായി കണ്ടെത്തിയിട്ടുണ്ടെന്ന് യുജിസി പറയുന്നു.

തവളകളെയാണ് ഏറ്റവും കൂടുതല്‍ കീറി മുറിക്കുന്നതെന്ന് യുജിസി പറയുന്നു. തവളകളുടെ എണ്ണം ആശങ്കാജനകമായി കുറഞ്ഞു വരികയാണ്. വന്യജീവി സംരക്ഷണ നിയമങ്ങള്‍ പഠനത്തിന്റെ പേരില്‍ കാറ്റില്‍ പറത്തുകയാണെന്നും പറയുന്നു. ജീവികളെ ദുരുപയോഗം ചെയ്യുന്നതിനു പകരം പഠന രീതിയില്‍ തന്നെ മാറ്റം വരുന്നതാണ് ഉചിതമെന്ന് യുജിസി പറയുന്നു. ആധുനികമായ രീതിയില്‍ പഠനരീതി പരിഷ്‌ക്കരിക്കാനാണ് യുജിസി നിര്‍ദ്ദേശിച്ചിരിക്കണം.

മൃഗങ്ങളെ കൊല്ലാതിരിക്കാനും ഉപദ്രവിക്കാതിരിക്കാനുമുള്ള താത്പര്യം കുട്ടികളില്‍ വളര്‍ത്തണമെന്നും യുജിസി നിര്‍ദ്ദേശിക്കുന്നു. മൃഗങ്ങളോടുള്ള നീതി ശാസ്ത്രം കുട്ടികള്‍ മറക്കരുതെന്നാണ് യുജിസി പറയുന്നു. യുജിസിയുടെ വിജ്ഞാപനം അനുസരിക്കാതിരുന്നാല്‍ അത് കലാലയങ്ങള്‍ക്കു നേരെ കര്‍ശനമായ നടപടിക്ക് കാരണമാകും.

 ആധുനിക സാങ്കേതിക വിദ്യ എന്താണെന്ന് യുജിസി നിര്‍ദ്ദേശിക്കുന്നില്ലെങ്കിലും അത് കണ്ടെത്താനാണ് കലാലയങ്ങള്‍ക്കു നല്‍കിയിരിക്കുന്ന നിര്‍ദ്ദേശം. ഏതായാലും ജീവികളെ കൊല്ലുന്ന ഏര്‍പ്പാടിന് വിരാമമാകാനാണ് സാധ്യത. തവളയും മുയലുമൊക്കെ രക്ഷപ്പെട്ടെന്ന് ചുരുക്കം.

ജന്തുക്കളുടെ ശരീരം മാത്രമല്ല മനുഷ്യശരീരവും പഠനവിധേയമാക്കാറുണ്ട്. ചില സ്വകാര്യ മെഡിക്കല്‍ കോളേജുകള്‍  ഭൗതിക ശരീരത്തിന്  വലിയ വിലയാണ് നല്‍കി വരുന്നത്. ശ്മശാനത്തില്ഡ നിന്നു വരെ ശരീരം മോഷ്ടിക്കുന്ന സംഭവങ്ങള്‍ ഉണ്ടായിട്ടുണ്ട്.

 അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha