ഇന്ത്യയിലെ ആറ് വിമാനത്താവളങ്ങള്‍ക്ക് അന്താരാഷ്ട്ര ബഹുമതി നല്‍കി എസിഐ
ഇന്ത്യയിലെ ആറ് വിമാനത്താവളങ്ങള്‍ക്ക് അന്താരാഷ്ട്ര ബഹുമതി. എയര്‍പോര്‍ട്ട് കൗണ്‍സില്‍ ഇന്റര്‍നാഷണല്‍ (എസിഐ) നല്‍കുന്ന മികച്ച വിമാനത്താവളങ്ങള്‍ക്കുള്ള 2017ലെ എയര്‍പോര്‍ട്ട് സര്‍വീസ് ക്വാളിറ്റി അവാര്‍ഡുകളാണ് ലക്‌നോ, ഇന്‍ഡോര്‍, അഹമ്മദാബാദ്, ചെന്നൈ, കോല്‍ക്കത്ത, പൂനെ വിമാനത്താവളങ്ങള്‍ക്ക് ലഭിച്ചത്.
എസിഐ നടത്തിയ സര്‍വേകളില്‍നിന്നാണ് അവാര്‍ഡുകള്‍ നല്‍കിയത്. ബെസ്റ്റ് എയര്‍പോര്‍ട്ട് ബൈ സൈസ് ബെസ്റ്റ് എയര്‍പോര്‍ട്ട് ബൈ സൈസ് ആന്‍ഡ് റീജിയന്‍ പുരസ്‌കാരങ്ങളാണ് ലക്‌നോ വിമാനത്താവളത്തിന് ലഭിച്ചത്. 20 മുതല്‍ 50 ലക്ഷം യാത്രക്കാരാണ് ഏഷ്യപസഫിക് റീജിയനില്‍ പ്രതിവര്‍ഷം ലക്‌നോ വിമാനത്താവളത്തെ ആശ്രയിക്കുന്നത്.
ബെസ്റ്റ് എയര്‍പോര്‍ട്ട് ബൈ റീജിയന്‍ പുരസ്‌കാരമാണ് ഇന്‍ഡോര്‍ വിമാനത്താവളത്തിന് ലഭിച്ചത്. 20 ലക്ഷം യാത്രക്കാരാണ് പ്രതിവര്‍ഷം ഇന്‍ഡോര്‍ വിമാനത്താവളത്തിലൂടെ യാത്ര ചെയ്യുന്നത്. ഏഷ്യപസഫിക് റീജിയനിലെ മോസ്റ്റ് ഇംപ്രൂവ് എയര്‍പോര്‍ട്ടിനുള്ള ബഹുമതിയാണ് അഹമ്മദാബാദ് വിമാനത്താവളം നേടിയത്.
പൂനെ, കോല്‍ക്കത്ത, ചെന്നൈ വിമാനത്താവളങ്ങള്‍ ബെസ്റ്റ് എയര്‍പോര്‍ട്ട് ബൈ സൈസിനുള്ള അവാര്‍ഡാണ് നേടിയത്. എസിഐ 315 വിമാനത്താവളങ്ങളിലാണ് സര്‍വേ നടത്തിയത്
https://www.facebook.com/Malayalivartha
