ലോ​ക്സ​ഭാ തെ​ര​ഞ്ഞെ​ടു​പ്പി​ല്‍ ന​രേ​ന്ദ്ര മോ​ദി​യു​ടെ​യും ബി​ഹാ​ര്‍ തെ​ര​ഞ്ഞെ​ടു​പ്പി​ല്‍ മു​ഖ്യ​മ​ന്ത്രി നി​തീ​ഷ് കു​മാ​റി​ന്‍റെ​യും ഉ​പ​ദേ​ശ​ക​നാ​യി​രു​ന്ന പ്ര​ശാ​ന്ത് കിഷോർ രാ​ഷ്ട്രീ​യ​ത്തി​ലേ​ക്ക് ഇറങ്ങുന്നു. പ്രശാന്ത് ജെ​ഡി​യു​വി​ലേ യേ​ക്കു ചേ​ക്കേ​റു​മെ​ന്നാ​ണു പുതിയ റി​പ്പോ​ര്‍​ട്ടു​ക​ള്‍ സൂചിപ്പിക്കുന്നത് . പാ​റ്റ്ന​യി​ല്‍ ഞാ​യ​റാ​ഴ്ച ന​ട​ക്കു​ന്ന പാ​ര്‍​ട്ടി സം​സ്ഥാ​ന സ​മി​തി യോ​ഗ​ത്തി​ല്‍ പ്ര​ശാ​ന്തി​ന് പാ​ര്‍​ട്ടി ജെ​ഡി​യു അം​ഗ​ത്വം ന​ല്‍​കു​മെ​ന്നും റി​പ്പോ​ര്‍​ട്ടു​ക​ളു​ണ്ട്.

പ്ര​ചാ​ര​ണ ത​ന്ത്ര​ങ്ങ​ളു​ടെ ഏ​കോ​പ​ന​ത്തി​ലും ന​ട​ത്തി​പ്പി​ലും വി​ദ​ഗ്ധ​നാ​യ പ്ര​ശാ​ന്ത് കി​ഷോ​ര്‍, ന​രേ​ന്ദ്ര മോ​ദി​യു​ടെ നേ​തൃ​ത്വ​ത്തി​ല്‍ 2014ലെ ​പൊ​തു​തെ​ര​ഞ്ഞെ​ടു​പ്പി​നെ നേ​രി​ട്ട ബി​ജെ​പി​ക്കു വേ​ണ്ടി ത​ന്ത്ര​ങ്ങ​ള്‍ മെ​ന​ഞ്ഞാ​ണു വാ​ര്‍​ത്ത​ക​ളി​ല്‍ ഇ​ടം​പി​ടി​ച്ച​ത്. വ​ന്‍​വി​ജ​യ​ത്തോ​ടെ മോ​ദി സ​ര്‍​ക്കാ​ര്‍ അ​ധി​കാ​ര​ത്തി​ല്‍ എ​ത്തി​യ​തോ​ടെ പ്ര​ശാ​ന്ത് കി​ഷോ​റി​ന്‍റെ ഗ്രാ​ഫ് ഉ​യ​ര്‍​ന്നു.

ഹൈ​ദ​രാ​ബാ​ദി​ല്‍ ഇ​ന്ത്യ​ന്‍ സ്കൂ​ള്‍ ഓ​ഫ് ബി​സി​ന​സി​ലെ വി​ദ്യാ​ര്‍​ഥി​ക​ളു​മാ​യു​ള്ള സം​വാ​ദ​ത്തി​നി​ടെ രാ​ഷ്ട്രീ​യ​പ്ര​വേ​ശം സം​ബ​ന്ധി​ച്ച്‌ അ​ദ്ദേ​ഹം സൂ​ച​ന ന​ല്‍​കി​യി​രു​ന്നു. പ്ര​ചാ​ര​ണ ത​ന്ത്ര​ങ്ങ​ളു​ടെ ചു​മ​ത​ല വ​ഹി​ക്കു​ന്ന​ത് അ​വ​സാ​നി​പ്പി​ക്കു​ക​യാ​ണെ​ന്നും രാ​ഷ്ട്രീ​യ​പാ​ര്‍​ട്ടി​യി​ല്‍ ചേ​ര്‍​ന്നു പ്ര​വ​ര്‍​ത്തി​ക്കാ​ന്‍ ആ​ഗ്ര​ഹി​ക്കു​ന്നു​വെ​ന്നും അ​ദ്ദേ​ഹം പ​റ​ഞ്ഞു. 2019 ലോ​ക്സ​ഭാ തെ​ര​ഞ്ഞെ​ടു​പ്പി​ല്‍ ബി​ജെ​പി​ക്കു വേ​ണ്ടി പ്ര​ചാ​ര​ണ ത​ന്ത്ര​ങ്ങ​ള്‍ മെ​ന​യും എ​ന്ന അ​ഭ്യൂ​ഹ​ങ്ങ​ള്‍​ക്കി​ടെ​യാ​ണു ജെ​ഡി​യു​വി​നൊ​പ്പം ചേ​ര്‍​ന്ന് തെ​ര​ഞ്ഞെ​ടു​പ്പി​നെ നേ​രി​ടാ​ന്‍ പ്ര​ശാ​ന്ത് കി​ഷോ​ര്‍ ത​യാ​റെ​ടു​ക്കു​ന്ന​ത്.

ബി​ജെ​പി നേ​ടി​യ വ​ന്‍ വി​ജ​യ​ത്തി​നു പി​ന്നാ​ലെ പാ​ര്‍​ട്ടി നേ​തൃ​ത്വ​വു​മാ​യി അ​ക​ന്ന പ്ര​ശാ​ന്തി​നെ ര​ണ്ടു​കൈ​യും നീ​ട്ടി സ്വീ​ക​രി​ച്ച നി​തീ​ഷ് കു​മാ​ര്‍, 2015ല്‍ ​ബി​ഹാ​ര്‍ നി​യ​മ​സ​ഭാ തെ​ര​ഞ്ഞെ​ടു​പ്പി​ല്‍ മ​ഹാ​സ​ഖ്യ​ത്തി​നു വേ​ണ്ടി ത​ന്ത്ര​ങ്ങ​ള്‍ മെ​ന​യാ​ന്‍ നി​യോ​ഗി​ച്ചു. ബി​ജെ​പി​യെ തോ​ല്‍​പി​ച്ച്‌ മ​ഹാ​സ​ഖ്യം ഭ​ര​ണ​ത്തി​ലേ​റി​യ​തോ​ടെ പ്ര​ശാ​ന്ത് തെ​ര​ഞ്ഞെ​ടു​പ്പു ത​ന്ത്ര​ങ്ങ​ളു​ടെ രാ​ജ​കു​മാ​ര​നാ​യി അ​റി​യ​പ്പെ​ട്ടു​തു​ട​ങ്ങി. പി​ന്നീ​ട് കോ​ണ്‍​ഗ്ര​സി​നൊ​പ്പം ചേ​ര്‍​ന്ന് പ്ര​ശാ​ന്തി​നു കൈ​പൊ​ള്ളു​ക​യും ചെ​യ്തു. എന്തായലും രാഷ്ട്രീയ തന്ത്രജ്ഞന്റെ പുതിയ രാഷ്ജ്‌ടീയ കളികൾ എന്തൊക്കെയാണ് എന്നത് കാത്തിരുന്ന് തന്നെ കാണണം.