ഭീകരസംഘടനകള്‍ സോഷ്യല്‍ മീഡിയകളില്‍ പിടിമുറുക്കുന്നുവെന്ന് രാജ്‌നാഥ് സിങ്ങ്
ഭീകരസംഘടനകള്‍ ഇന്റര്‍നെറ്റിലും സോഷ്യല്‍ മീഡിയകളിലും പിടിമുറുക്കുന്നുവെന്ന് ആഭ്യന്തരമന്ത്രി രാജ്‌നാഥ് സിങ്. മൊണോക്കോയില്‍ ഇന്റര്‍പോളിന്റെ ജനറല്‍ അസംബ്ലിയെ അഭിസംബോധന ചെയ്ത് സംസാരിക്കുകയായിരുന്നു മന്ത്രി. ഭീകരസംഘടനകള്‍ അവരുടെ ആശയ പ്രചരണത്തിനും സംഘടനയിലേക്ക് ആളുകളെ റിക്രൂട്ട് ചെയ്യുന്നതിനും ഇത്തരം സംവിധാനങ്ങള്‍ ഉപയോഗിക്കുന്നുണ്ട്.
ഇന്റര്‍നെറ്റില്‍ നിന്നും വിവരങ്ങള്‍ ചോര്‍ത്തുന്നത് ഇന്ന് വ്യാപകമാണ്. അതിനാല്‍ത്തന്നെ സ്ത്രീകള്‍ക്കും കുട്ടികള്‍ക്കുമെതിരായ സൈബര്‍ അതിക്രമങ്ങളും ക്രമാതീതമായി വര്‍ദ്ധിക്കുന്നു. കഴിഞ്ഞ കുറച്ചു വര്‍ഷങ്ങളായി ഇന്ത്യയില്‍ വര്‍ഗീയ വിദ്വേഷം പ്രചരിപ്പിക്കുന്നതിനായി സോഷ്യല്‍ മീഡിയകള്‍ വ്യാപകമായി ഉപയോഗിക്കുന്നുണ്ടെന്നും അദ്ദേഹം പറഞ്ഞു.
ഇന്റര്‍നെറ്റ് ഉപയോഗം നല്‍കുന്ന സുരക്ഷിതത്വം നിയമ സംവിധാനങ്ങളെ ഭയപ്പെടാതെതന്നെ പ്രവര്‍ത്തിക്കാന്‍ ഭീകര സംഘടനകള്‍ക്ക് അവസരമൊരുക്കുന്നുണ്ട്. ഇക്കാര്യത്തില്‍ ഇന്റര്‍പോള്‍ ശക്തമായ നടപടിയെടുക്കേണ്ടതുണ്ടെന്നും അദ്ദേഹം പറഞ്ഞു. നൂറില്‍പ്പരം വര്‍ഷങ്ങള്‍ നീളുന്ന ഇന്റര്‍പ്പോളിന്റെ അനുഭവസമ്പത്ത് ഭീകരസംഘടനകളുടെ വ്യാപകമായ ഇന്റര്‍നെറ്റ് ദുരുപയോഗത്തെ തടയുന്നതിനായി ഉപയോഗിക്കണമെന്നും അദ്ദേഹം ആവശ്യപ്പെട്ടു.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
