കായംകുളത്ത് രക്ഷാപ്രവര്ത്തനത്തിനിടെ പീഡിപ്പിച്ചെന്ന പരാതിയില് മൊഴിയെടുത്ത് പൊലീസ്
കായംകുളത്ത് വാഹനാപകടത്തില് രക്ഷാപ്രവര്ത്തനത്തിനിടെ പരുക്കേറ്റ യുവതിയ്ക്ക് നേരെ ലൈംഗികാതിക്രമം നടത്തിയ സംഭവത്തില് പരാതിക്കാരിയുടെ മൊഴിയെടുത്ത് പൊലീസ്. കായംകുളം ഡിവൈഎസ്പിയുടെ നേതൃത്വത്തില് തിരുവനന്തപുരം കഴക്കൂട്ടത്ത് എത്തിയാണ് മൊഴിയെടുക്കല് നടത്തുന്നത്. പരാതി നല്കിയിട്ടും സംഭവത്തില് കേസെടുക്കാത്തതില് പൊലീസിനെതിരെ യുവതി രംഗത്തെത്തിയിരുന്നു.
ഇക്കഴിഞ്ഞ മൂന്നിനാണ് തീര്ത്ഥാടനത്തിന് പോയി മടങ്ങി വരവേ യുവതി സഞ്ചരിച്ചിരുന്ന വാഹനം കായംകുളത്ത് അപകടത്തില്പ്പെട്ടത്. രക്ഷാപ്രവര്ത്തനത്തിനായി എത്തിയ വ്യാപാരി വ്യവസായി ഏകോപന സമിതി നേതാവ് സിനില് സബാദ് യുവതിയെ ലൈംഗികമായി അതിക്രമിക്കുകയായിരുന്നു. സിനില് സബാദിനെതിരെ പൊലീസില് പരാതി നല്കി ദിവസങ്ങള് കഴിഞ്ഞിട്ടും ഒരു നടപടിയും എടുത്തില്ല.തുടര്ന്നാണ് യുവതി ആരോപണവുമായി രംഗത്തെത്തിയത്.സംഭവത്തില് പൊലീസിന് ഗുരുതര വീഴ്ചയാണ് ഉണ്ടായി എന്നാണ് കണ്ടെത്തല്.
പരാതി നല്കിയിട്ടും മൊഴി രേഖപ്പെടുത്താനോ മറ്റു നടപടികളിലേയ്ക്ക് കടക്കാനോ പൊലീസ് ശ്രമിച്ചിരുന്നില്ല. സംഭവം വിവാദമായതോടെ യുവതിയുടെ മൊഴി രേഖപ്പെടുത്താന് പൊലീസ് തീരുമാനിച്ചു. കായംകുളം ഡിവൈഎസ്പി ഓഫീസിലേക്ക് ഇന്ന് എത്താന് യുവതിയോട് അന്വേഷണസംഘം ആവശ്യപ്പെട്ടു. ആരോഗ്യപ്രശ്നം ഉള്ളതിനാല് തിരുവനന്തപുരത്തേക്ക് എത്തി മൊഴി രേഖപ്പെടുത്താന് തീരുമാനിക്കുകയായിരുന്നു. ഗുരുതര ആരോപണം ഉയര്ന്നിട്ടും പൊലീസിന് വീഴ്ചയൊന്നും ഉണ്ടായില്ലെന്നാണ് കഴിഞ്ഞദിവസം ആലപ്പുഴ എസ്പി മാധ്യമങ്ങളെ കണ്ട് അറിയിച്ചത്.
https://www.facebook.com/Malayalivartha
