ഭരണഘടനാ ശില്പി ഡോ. ഭീമറാവു റാംജി അംബേദ്കറിന്‍റെ 135-ാം മത് ജയന്തി ആഘോഷത്തിന്‍റെ ഭാഗമായിട്ടാണ് പ്രഭാഷണം നടത്തുന്നത്. ക്ഷണിക്കപ്പെട്ട സദസിനു മുമ്പാകെ നടത്തുന്ന പ്രഭാഷണത്തില്‍ ഗവർണർ രാജേന്ദ്ര് വിശ്വനാഥ് ആർലേക്കർ അധ്യക്ഷത വഹിക്കും.

ഡോ. അംബേദ്കറുടെ സാമൂഹിക അസമത്വത്തിനെതിരെയുള്ള ആജീവനാന്ത പോരാട്ടത്തെ അനുസ്മരിച്ചുകൊണ്ട് അംബേദ്കർ ജയന്തി രാജ്യമൊട്ടാകെ ‘സമത്വ ദിന’മായി ആചരിച്ചു വരുന്നു. പ്രമുഖരെ ഉള്‍പ്പെടുത്തിക്കൊണ്ട് ലോക്ഭവൻ നടത്തി വരുന്ന പ്രഭാഷണ പരമ്പരയുടെ ഭാഗമായാണ് അംബേദ്കർ ജയന്തി പ്രഭാഷണവും.