ശുചിമുറി നിര്‍മിക്കാന്‍ കെട്ടുതാലി വിറ്റ യുവതിയെ മഹാരാഷ്ട്ര ഗ്രാമ വികസന മന്ത്രി പങ്കജാ മുണ്ടെ അഭിനന്ദിച്ചു. വാഷിം ജില്ലയിലെ സൈഖേദ ഗ്രാമവാസിയായ സംഗീത അവ്ഹാലെയാണ് ടോയ്‌ലെറ്റ് നിര്‍മിക്കാനായി സ്വന്തം താലി വിറ്റത്.
ആഭരണങ്ങളേക്കാളും അത്യാവശ്യം ശുചിമുറിയാണ് അതിനാലാണ് അവ വിറ്റ് ശുചിമുറി നിര്‍മിക്കാന്‍ താന്‍ തയ്യാറായതെന്നും മുണ്ടെയുടെ മുംബയിലെ ഓഫീസില്‍ വച്ച് സംഗീത മാധ്യമപ്രവര്‍ത്തകരോട് പറഞ്ഞു.
രാജ്യത്ത് പല സ്ഥലങ്ങളിലും ശുചിമുറി ഇല്ലാത്തതിനാല്‍ സ്ത്രീകള്‍ക്ക് പല പ്രശ്‌നങ്ങളെ അഭിമുഖീകരിക്കേണ്ടി വരുന്നുണ്ടെന്ന് മുണ്ടെ പറഞ്ഞു. അതിനായി കൂടുതല്‍ ശുചിമുറി നിര്‍മിക്കുക എന്നതാണ് തന്റെ ലക്ഷ്യമെന്നും മന്ത്രി വ്യക്തമാക്കി.സംഗീത ചെയ്ത പ്രവര്‍ത്തി മാതൃകയാണെന്ന് പറഞ്ഞ മന്ത്രി അവര്‍ക്ക് പുതിയതായി ഒരു താലി വാങ്ങി സമ്മാനിച്ചു. അതുപോലെതന്നെ പ്രധാനമന്ത്രി നരേന്ദ്രമോഡി അധികാരത്തില്‍ എത്തിയപ്പോഴും അതിന് മുമ്പും അദ്ദേഹം രാജ്യത്ത് ശൗചാലയങ്ങള്‍ പണിയേണ്ടതിന്റെ ആവശ്യകതയെക്കുറിച്ച പറഞ്ഞിരുന്നു

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha