72 ലക്ഷം രൂപയുടെ ബാധ്യതയുണ്ടെന്ന് തിരഞ്ഞെടുപ്പ് നാമനിര്ദ്ദേശ പത്രികയ്ക്കൊപ്പം സമര്പ്പിച്ച സത്യവാങ്മൂലത്തില് രാഹുല്, അഞ്ച് കേസുകളില് പ്രതി, കൈവശം 40,000 രൂപ, ഇതാണ് രാഹുല്
കോണ്ഗ്രസ് അധ്യക്ഷന് രാഹുല് ഗാന്ധി വയനാട്ടില് നാമനിര്ദ്ദേശ പത്രിക സമര്പ്പിച്ചു. 72 ലക്ഷം രൂപയുടെ ബാധ്യതയുണ്ടെന്ന് തിരഞ്ഞെടുപ്പ് നാമനിര്ദ്ദേശ പത്രികയ്ക്കൊപ്പം സമര്പ്പിച്ച സത്യവാങ്മൂലത്തില് രാഹുല് വ്യക്തമാക്കി. അഞ്ച് കോടി രൂപയുടെ സ്വത്താണ് രാഹുല് ഗാന്ധിക്കുള്ളത്. കൈവശം 40,000 രൂപയുണ്ട്. 72 ലക്ഷം രൂപ ബാധ്യതയില് അഞ്ച് ലക്ഷം രൂപ സോണിയ ഗാന്ധിക്ക് നല്കാനുള്ളതാണ്. അഞ്ച് കേസുകളില് പ്രതിയാണ് രാഹുല് ഗാന്ധി. ഇതില് നാല് കേസുകള് മാനനഷ്ടക്കേസുകളും ഒന്ന് സുബ്രഹ്മണ്യന് സ്വാമി നല്കിയ സ്വകാര്യ കേസുമാണ്. ട്രിനിറ്റി കോളജില് നിന്ന് ഡവലപ്മെന്റ് സ്റ്റഡീസില് എം.ഫില്ലും കേംബ്രിഡ്ജ് യൂണിവേഴ്സിറ്റിയില് നിന്ന് ബിരുദവുമാണ് രാഹുല് ഗാന്ധിയുടെ വിദ്യാഭ്യാസ യോഗ്യത.
സ്ഥിരനിക്ഷേപമായി 17,93,693 രൂപയും ബോണ്ട്, ഷെയര് നിക്ഷേപമായി 5,19,44,682 രൂപയുമുണ്ട്. പിഎഫ് നിക്ഷേപം 39,89,087 രൂപയുമുണ്ട്. 2,91,367 രൂപയുടെ 333.300 ഗ്രാം സ്വര്ണവും രാഹുല് ഗാന്ധിയുടെ കൈവശമുണ്ട്.
രാഹുല് ഗാന്ധിയ്ക്ക് വയനാട്ടില് അപരന്; പരസ്യമായതോടെ യുവാവിനെ രഹസ്യകേന്ദ്രത്തിലേയ്ക്ക് മാറ്റിവിവരങ്ങള് പുറത്തായതോടെ ഈ യുവാവിനെ രഹസ്യ കേന്ദ്രത്തിലേക്ക് മാറ്റിയെന്നാണ് വിവരം. വ്യാഴാഴ്ച യുവാവ് വയനാട് പാര്ലമെന്റ് മണ്ഡലത്തില് സ്ഥാനാര്ഥിയായി നാമനിര്ദേശ പത്രിക നല്കുമെന്നാണ് സൂചനകള്. ഇതറിഞ്ഞ് പത്രിക നല്കാതിരിക്കാന് ചിലരില് നിന്നും സമ്മര്ദ്ദം ഉണ്ടായതോടെയാണ് യുവാവിനെ രഹസ്യ കേന്ദ്രത്തിലേക്ക് മാറ്റിയതെന്ന് പറയപ്പെടുന്നു.
യുവാവിന്റെ മൊബൈല് ഫോണ് ഇപ്പോള് സ്വിച്ച് ഓഫ് ആണ്. രാഹുല് എന്ന് പേരുള്ള ഈ യുവാവിന്റെ പേര് രാഹുല് ഗാന്ധി എന്നും അനുജന്റെ പേര് രാജീവ് ഗാന്ധി എന്നുമാണ്. ഇരുവര്ക്കും അച്ഛന് ആണ് ഈ പേരുകള് നന്നേ ചെറുപ്പത്തില് തന്നെ നല്കിയത്. സജീവ കോണ്ഗ്രസ് പ്രവര്ത്തകനായിരുന്ന അച്ഛന് ഗാന്ധി കുടുംബത്തിനോടുള്ള ആരാധനയില് ഈ പേരുകള് മക്കള്ക്ക് നല്കിയെങ്കിലും മക്കള് വളര്ന്നപ്പോള് കടുത്ത ഇടതുപക്ഷ അനുകൂലികളായി മാറി.
രാഹുല് സിപിഎമ്മില് സജീവ പ്രവര്ത്തകനും ഡിവൈഎഫ്ഐ മേഖലാ ഭാരവാഹിയുമാണ്. തിരുവനന്തപുരത്ത് നിന്നും രാഹുല് ഗാന്ധിക്ക് അപരന് മത്സരിക്കാന് നീക്കമുണ്ടെന്ന് വാര്ത്തകള് പ്രചരിച്ചിരുന്നു. അത് ഈ യുവാവാണെന്നാണ് ഇപ്പോള് സൂചനകള് വ്യക്തമായിരിക്കുന്നത്. കെ.ഇ. രാഹുല് എന്നായിരുന്നു പേര്. അടുത്തയിടെ വോട്ടര്പട്ടികയില് രേഖകള് സമര്പ്പിച്ച് പേര് രാഹുല് ഗാന്ധി എന്നാക്കി മാറ്റം വരുത്തുകയായിരുന്നുവെന്ന് പറയപ്പെടുന്നു.
https://www.facebook.com/Malayalivartha