വടക്കേ ഇന്ത്യന് സംസ്ഥാനങ്ങളിലെ മഴക്കെടുതിയില് 28 മരണം, 22ഓളം പേരെ കാണാതായി....
19 AUGUST 2019 12:01 PM IST
മലയാളി വാര്ത്ത
വടക്കേ ഇന്ത്യന് സംസ്ഥാനങ്ങളിലെ മഴക്കെടുതിയില് 28 പേര് മരിച്ചു. ഹിമാചല് പ്രദേശില് 22 പേരെ കാണാതായി. മരണപ്പെട്ടവരില് രണ്ട് നേപ്പാള് സ്വദേശികളും ഉള്പ്പെടുന്നു. മഴയെ തുടര്ന്നുള്ള അപകടങ്ങളില് ഹിമാചലില് ഒമ്പത് പേര്ക്ക് പരിക്കേറ്റു. പഞ്ചാബില് മൂന്നു പേര്ക്ക് ജീവന് നഷ്ടമായി.
ഹിമാചല്പ്രദേശിലെ റൊഹ്റു, കുളു, ചമ്പ മേഖലയില് ഉള്ളവരാണ് മരണപ്പെട്ടത്. അവശിഷ്ടങ്ങള്ക്കിടെ കുടുങ്ങിയവരെ രക്ഷിക്കാന് ശ്രമം തുടരുകയാണെന്ന് പൊലീസ് അറിയിച്ചു. ഹിമാചല്പ്രദേശ്, ഉത്തരാഖണ്ഡ്, പഞ്ചാബ് എന്നീ സംസ്ഥാനങ്ങളിലാണ് കനത്ത മഴയില് നാശനഷ്ടം സംഭവിച്ചത്.
യമുന അടക്കമുള്ള നദികളില് ജലനിരപ്പ് അപകടരേഖക്ക് മുകളിലേക്ക് ഉയരുന്നതായി റിപ്പോര്ട്ട്. ഇതേതുടര്ന്ന് ഡല്ഹി, ഹരിയാന, പഞ്ചാബ്, ഉത്തര്പ്രദേശ് സംസ്ഥാനങ്ങളില് ജാഗ്രതാ നിര്ദേശം പുറപ്പെടുവിച്ചു.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
