ഓൺലൈൻ വഴി വീട്ടമ്മയുടെ പൂത്തുലഞ്ഞ പ്രണയം മൂത്തപ്പോൾ ഭർത്താവിനെയും കുഞ്ഞിനേയും കളഞ്ഞിട്ട് കാമുകനൊപ്പം ഓട്ടം; യുവതിക്ക് കാമുകൻ കാത്ത് വച്ചിരുന്നത് അത്; ഇത് പലർക്കുമുള്ള മുന്നറിയിപ്പ്
പ്രണയിക്കുക, ഇഷ്ട്ടപ്പെട്ട ആൾക്കൊപ്പം ജീവിക്കാൻ ഇറങ്ങി തിരിക്കുക എന്ന കാര്യങ്ങൾ ഇന്ന് സർവ്വ സാധാരണമാണ്. എന്നാൽ വിവാഹം കഴിഞ്ഞ് മക്കളുമുള്ള സ്ത്രീകൾ പര പുരുഷനുമായി ബന്ധം സ്ഥാപിച്ച് വേലി ചാടുന്ന കാഴ്ച്ച ഇന്ന് പതിവായിരിക്കുന്നു. അത്തരത്തിൽ ഇറങ്ങി തിരിച്ച ഒരു യുവതിക്ക് എട്ടിന്റെ പണിയാണ് കിട്ടിയിരിക്കുന്നത്. പ്രണയം നടിച്ച് യുവതിയെ ഭർത്താവിൽ നിന്നകറ്റി. പ്രണയം മൂത്ത വീട്ടമ്മ ഭർത്താവിനെ ഉപേക്ഷിച്ച് വീടുവിട്ടിറങ്ങി. ഒടുവിൽ വീട്ടമ്മയ്ക്ക് മനസിലായി അയാൾക്ക്‌ വേണ്ടത് തന്നെയല്ല മറിച്ച് പണമായിരുന്നുവെന്ന്. യുവതിയുടെ അഞ്ച് ലക്ഷം രൂപ വിലമതിക്കുന്ന ആഭരണങ്ങളുമായിട്ട് യുവാവ് കടന്നു കളഞ്ഞു. കൊൽക്കത്തയിലായിരുന്നു ഈ സംഭവം നടന്നത്. സ്വർണാഭരണങ്ങളുമായി കടന്ന യുവാവിനെ തിരഞ്ഞ് പൊലീസ് നടക്കുകയാണ്. സംഭവത്തെക്കുറിച്ച് പൊലീസ് പറയുന്നത് ഇങ്ങനെയാണ്. ഓഗസ്റ്റിൽ ഓൺലൈൻ വെബ്സൈറ്റ് വഴിയായിരുന്നു യുവാവ് വിവാഹിതയും ഒരു പെണ്‍കുഞ്ഞിന്റെ അമ്മയുമായ യുവതിയെ പരിചയപ്പെടുന്നത്.
യുവതിയുമായി ഗാഢമായ പ്രണയത്തിലായ ശേഷം ഒരുമിച്ച് ജീവിക്കണമെന്നും ഭർത്താവിനെ ഉപേക്ഷിക്കണമെന്നും യുവാവ് ആവശ്യപ്പെടുകയായിരുന്നു. പ്രണയം തലക്ക് പിടിച്ച വീട്ടമ്മ അതിന് സമ്മതിച്ചു. ഇതിന്റെ അടിസ്ഥാനത്തിൽ കഴിഞ്ഞയാഴ്ച ഭർത്താവിനെയും മകളെയും ഉപേക്ഷിച്ച്, ആഭരണങ്ങളെടുത്ത് യുവതി വീട്ടിൽ നിന്നും മുങ്ങുകയായിരുന്നു. യുവതിയും ഈ യുവാവും നഗരത്തിലെ നിരവധി സ്ഥലങ്ങളിൽ ഇരുചക്രവാഹനത്തിൽ കറങ്ങി നടന്നു. ഒടുവിൽ യുവാവ് തന്റെ അടവ് പുറത്തെടുത്തു. യുവതി വീടുവിട്ടത് ഭർത്താവ് അറിഞ്ഞെന്നും വീട്ടിൽ ആകെ പ്രശ്നമാണെന്നും യുവാവ് യുവതിയോട് പറഞ്ഞു. അനന്തപൂരിനടുത്തുള്ള ബസ് സ്റ്റാൻഡിൽ യുവതിയെ ഇറക്കി. എന്നിട്ട് ആഭരണങ്ങളും മൊബൈൽ ഫോണും സുരക്ഷിതമായി സൂക്ഷിക്കാമെന്ന് വിശ്വസിപ്പിച്ചു. ഈ വാക്കുകൾ വിശ്വസിച്ച യുവതി തന്റെ ആഭരണങ്ങൾ എല്ലാം അയാളുടെ കയ്യിൽ ഏൽപ്പിക്കുകയായിരുന്നു. ആ കാമുകനാകട്ടെ ആഭരണങ്ങളുമായി മുങ്ങുകയും ചെയ്തു.
വരാമെന്ന് പറ‍ഞ്ഞ സമയം കഴിഞ്ഞിട്ടും യുവാവ് എത്തിയില്ല. അതോടെ യുവതിക്ക് പരിഭ്രാന്തിയായി. രാത്രി പത്ത് മണിക്ക് പട്രോളിങ് നടത്തുകയായിരുന്ന പൊലീസ് യുവതിയെ കാണുകയും വിവരങ്ങൾ ചോദിച്ച് അറിയുകയുമായിരുന്നു. കാര്യങ്ങൾ മനസ്സിലാക്കിയ പോലീസ് യുവതിയെ വീട്ടിലെത്തിച്ചു. യുവതിയുടെ പരാതിപ്രകാരം പൊലീസ് കേസെടുത്ത് അന്വേഷണം ആരംഭിച്ചു. യുവാവിന്റെ ഫോൺ സ്വിച്ച് ഓഫ് ആണ്. എടുത്ത് ചാടിയാൽ കുടിച്ച് ചാടും എന്ന തരത്തിൽ കാര്യങ്ങൾ വന്നെത്തി. ഇന്ന് ഓൺലൈൻ ബന്ധങ്ങളും മറ്റും കൂടുതലും പണി കൊടുക്കുന്നത് വീട്ടമ്മമാർക്കാണ് എന്ന കാര്യം ശ്രദ്ധേയമാണ്. ഓൺലൈൻ വഴി വല വിരിച്ച് കാത്തിരിക്കുന്ന വിരുതന്മാരുടെ മുൻപിൽ പെൺക്കുട്ടികൾ മാത്രമല്ല കല്യാണം കഴിഞ്ഞ സ്ത്രീകളും അകപ്പെട്ടു പോകുന്നു. ഈ സംഭവം എല്ലാവര്ക്കും ഉള്ള ഒരു വലിയ പാഠമായി മാറിയിരിക്കുകയാണ്.
https://www.facebook.com/Malayalivartha
