കോൺ​ഗ്രസ് നേതാവ് രാഹുൽ ​ഗാന്ധിയെ അധിക്ഷേപിച്ചു. അധ്യാപകന് നിര്‍ബന്ധിത അവധി നൽകി മുംബൈ സര്‍വകലാശാല. സര്‍വകലാശാലയിലെ അക്കാദമി ഓഫ് തിയറ്റര്‍ ആര്‍ട്ട്‌സ് ഡയറക്ടര്‍ യോഗേഷ് സോമനായിരുന്നു രാഹുൽ ഗാന്ധിയെ അധിക്ഷേപ്പിച്ചത്.

രാഹുല്‍ ​ഗാന്ധി നടത്തിയ സവര്‍ക്കര്‍ പരാമര്‍ശത്തിനെതിരെ യോഗേഷ് ട്വിറ്ററിൽ ഒരു വീഡിയോ പോസ്റ്റ് ചെയ്തു. "നിങ്ങൾ പറഞ്ഞത് ശരിയാണ്, നിങ്ങൾ സവർക്കർ അല്ല. അദ്ദേഹത്തിന്റെ സമർപ്പണം, ത്യാഗം, വീര്യം ഇതൊന്നും നിങ്ങളിൽ ഇല്ല. എന്നാൽ താങ്ങളെ ​ഗാന്ധി എന്ന് വിളിക്കാനും ഒന്നുമില്ല. നിങ്ങൾ വെറും 'പപ്പുഗിരി' മാത്രമാണ്"എന്നായിരുന്നു യോഗേഷ് വീഡിയോയിൽ പറയുന്നത് .മാത്രമല്ല രാഹുലിന്റെ റേപ്പ് ഇന്‍ ഇന്ത്യ പരാമര്‍ശത്തെ യോഗേഷ് വീഡിയോയിൽ വിമർശന വിധേയമാക്കിയിരുന്നു. ഇതിനൊക്കെ പിന്നാലെയാണ് ഈ നടപടി.