കെഎസ്‌ആർടിസി ലോ ഫ്ലോർ ബസ് കടയിലേക്ക് ഇടിച്ചുകയറിയുണ്ടായ അപകടത്തിൽ ഡ്രൈവർക്ക് ദാരുണാന്ത്യം. എറണാകുളം പള്ളുരുത്തി സ്വദേശി പി ജോസഫാണ് (49) മരിച്ചത്. അപകടത്തിൽ എട്ട് പേർക്ക് പരിക്കേൽക്കുകയും ചെയ്തു. ഇന്നലെ രാത്രി പത്തുമണിയോടെ തൃശൂർ അത്തിക്കാവിലാണ് സംഭവം.

കോഴിക്കോട്‌ നിന്ന് എറണാകുളത്തേക്ക് പോകുകയായിരുന്നു ബസ്. മറ്റൊരു വാഹനത്തിന് സൈഡ് കൊടുക്കുന്നതിനായി ബസ് വെട്ടിച്ചുമാറ്റിയപ്പോൾ സമീപത്തെ കടയിലേക്ക് ഇടിച്ചുകയറുകയായിരുന്നു. ബസിന്റെ മുൻഭാഗവും കടയും പൂർണമായും തകർന്നു. ബസ് വെട്ടിപ്പൊളിച്ചാണ് ഡ്രൈവറെ പുറത്തെടുത്ത്. മറ്റ് യാത്രക്കാരുടെ ആരോഗ്യനില തൃപ്‌തികരമാണ്.