കരസേനയുടെ 31-ാം മേധാവിയായി ജനറൽ ധീരജ് സേത്ത് ചുമതലയേറ്റു. നാല് പതിറ്റാണ്ട് നീണ്ട വിശിഷ്ട സേവനത്തിന് ശേഷം വിരമിച്ച ജനറൽ ഉപേന്ദ്ര ദ്വിവേദിയുടെ പിൻഗാമിയായാണ് നിയമിതനായത്.

ഖഡ്ക്‌വാസ്ല നാഷണൽ ഡിഫൻസ് അക്കാഡമി പൂർവ വിദ്യാർത്ഥിയായ ജനറൽ ധീരജ് സേത്ത്, 1986 ഡിസംബറിലാണ് സേനയിൽ കമ്മിഷൻ ചെയ്യുന്നത്. സൗത്ത് വെസ്റ്റേൺ കമാൻഡ്, സതേൺ കമാൻഡ് മേധാവിയായി പ്രവർത്തിക്കുകയും ചെയ്തു.

പെട്ടെന്നുള്ള ആക്രമണങ്ങൾക്കായി രൂപീകരിച്ച സുദർശൻ ചക്ര കോർപ്‌സ്, രാജസ്ഥാനിലെ ആർമേർഡ് റെജിമെന്റ്, വെസ്റ്റേൺ തിയേറ്ററിലെ ആർമേർഡ് ബ്രിഗേഡ്, ജമ്മു കാശ്മീരിലെ ഭീകരവിരുദ്ധ സേന തുടങ്ങിയവയെ കമാൻഡ് ചെയ്‌തിട്ടുണ്ടായിരുന്നു. സേനാ ആസ്ഥാനത്ത് തന്ത്രപരമായ ചുമതലകളും വഹിച്ചു.