കനത്ത മഞ്ഞില് ഗര്ഭിണിക്ക് രക്ഷകരായി ഇന്ത്യന് സൈന്യം
കനത്ത മഞ്ഞുവീഴ്ചയില് വീട്ടില് കുടുങ്ങിയ ഗര്ഭിണിയെ തോളിലേറ്റി ആശുപത്രിയിലെത്തിച്ച ഇന്ത്യന് സൈന്യത്തെ അഭിനന്ദിച്ച് പ്രാധാനമന്ത്രി. നാല് മണിക്കൂര് നടന്നാണ് സൈനികര് യുവതിയെ ആശുപത്രിയില് എത്തിച്ചത്. കടുത്ത മഞ്ഞുവീഴ്ചയെ തുടര്ന്ന് ഗര്ഭിണിയായ ഷാമിമ എന്ന യുവതി വീട്ടില് കുടുങ്ങിപ്പോവുകയായിരുന്നു. ഈ സമയം പ്രസവ വേദനയും ആരംഭിച്ചു. എന്തു ചെയ്യണമെന്നറിയാത്ത സമയത്താണ് സൈന്യം രക്ഷകരായത്.
ഇതിന്റെ വീഡിയോ ഇന്ത്യന് ആര്മി തന്നെയാണ് സോഷ്യല് മീഡിയിയല് പങ്കുവച്ചത്. പ്രധാനമന്ത്രിയും വീഡിയോ പങ്കുവച്ച് സൈന്യത്തെ അഭിനന്ദിച്ച് രംഗത്തെത്തി. വീര്യത്തിനും പ്രൊഫഷണലിസത്തിനും പേരുകേട്ടതാണ് നമ്മുടെ സൈന്യം. നമ്മുടെ സൈന്യത്തിന്റെ മാനുഷിക മൂല്യത്തില് അഭിമാനിക്കുന്നു. ആളുകള്ക്ക് സഹായം ആവശ്യമുള്ളപ്പോഴെല്ലാം സൈന്യം അവസരത്തിനൊത്തുയര്ന്ന് സാധ്യമായതെല്ലാം ചെയ്തതായി പ്രധാനമന്ത്രി ട്വിറ്ററില് കുറിച്ചു.
നൂറിലധികം സൈനികര് യുവതിയുടെ വീട്ടിലെത്തിയാണ് അവരെ എടുത്ത് ആശുപത്രിയിലേക്ക് കൊണ്ടു പോയത്. ദുസ്സമായ സാഹചര്യത്തില് സൈന്യം നടന്നു നീങ്ങുന്നതാണ് വീഡിയോയില് കാണുന്നത്. സ്ട്രച്ചറില് കിടത്തിയ ശേഷം തോളിലേറ്റിയ സൈന്യം നാല് കിലോമീറ്റര് നടന്നത്. പിന്നീട് യുവതി പ്രസവിച്ചതായും അമ്മയും കുഞ്ഞും സുഖമായി ഇരിക്കുന്നതായും സൈന്യം ട്വീറ്റ് ചെയ്ത് അറിച്ചു.
https://www.facebook.com/Malayalivartha