കനത്ത മഞ്ഞുള്ള വഴിയിലൂടെയുള്ള നടത്തം പിഴച്ചു... ജമ്മു-കശ്മീരിലെ ഗുല്‍മാര്‍ഗില്‍ ഇന്ത്യ-പാക് അതിര്‍ത്തിയില്‍ പതിവ് പരിശോധന നടത്തുകയായിരുന്ന നേഗി മഞ്ഞില്‍ തെന്നി ചെന്നെത്തിയത് പാകിസ്ഥാനില്‍.... നെഞ്ചിടിപ്പോടെ ഇന്ത്യ
കനത്ത മഞ്ഞുള്ള വഴിയിലൂടെയുള്ള നടത്തം പിഴച്ചു. ജമ്മു-കശ്മീരിലെ ഗുല്‍മാര്‍ഗില്‍ ഇന്ത്യ-പാക് അതിര്‍ത്തിയില്‍ പതിവ് പരിശോധന നടത്തുകയായിരുന്നു സൈന്യത്തില്‍ ഹവില്‍ദാറായി ജോലിചെയ്യുന്ന രാജേന്ദ്ര സിങ് നേഗി. കനത്ത മഞ്ഞുള്ള വഴിയിലൂടെയുള്ള നടത്തം പിഴച്ചു. മഞ്ഞില്‍ തെന്നിയ നേഗി അതിര്‍ത്തിക്കപ്പുറം പാകിസ്താനിലാണെത്തിയത്. ഈ വിവരം അറിഞ്ഞതോടെ ചകിതരായ നേഗിയുടെ കുടുംബം അദ്ദേഹത്തെ ഉടന്‍ തിരിച്ചെത്തിക്കാന്‍ നടപടി വേണമെന്ന് സൈന്യത്തോട് ആവശ്യപ്പെട്ടിട്ടുണ്ട്.
എന്നാല്‍, നേഗി തങ്ങളുടെ കസ്റ്റഡിയിലുണ്ടെന്ന് പാകിസ്താന്‍ ഇതുവരെ സ്ഥിരീകരിച്ചിട്ടില്ല. നേഗിക്കായുള്ള തിരച്ചില്‍ ദ്രുതഗതിയില്‍ നടക്കുന്നുണ്ടെന്നാണ് ഇന്ത്യന്‍ സൈന്യത്തിന്റെ വിശദീകരണം. ഡെറാഡൂണ്‍ സ്വദേശിയായ നേഗി 2002ലാണ് സൈന്യത്തില്‍ ചേരുന്നത്. ഇക്കഴിഞ്ഞ നവംബര്‍ മുതല്‍ ഗുല്‍മാര്‍ഗിലാണ് പോസ്റ്റിങ്. സംഭവം സമൂഹമാധ്യമങ്ങളില്‍ ചര്‍ച്ചയായിട്ടുണ്ട്.
നേഗിയെ ഉടന്‍ കണ്ടെത്തണമെന്ന് നിരവധി പേര്‍ 'ട്വിറ്ററി'ല്‍ ആവശ്യപ്പെട്ടു. മുമ്പും ആകസ്മികമായി ഇന്ത്യന്‍ സൈനികര്‍ പാകിസ്താനിലെത്തിയ സംഭവങ്ങള്‍ ഉണ്ടായിട്ടുണ്ട്. 2016 സെപ്റ്റംബറില്‍ നിയന്ത്രണരേഖക്കപ്പുറമെത്തിയ ഇന്ത്യന്‍ സൈനികന്‍ ചന്തു ബാബുലാല്‍ ചവാനെ പാകിസ്താന്‍ പിടികൂടിയിരുന്നു. അന്ന് ഇന്ത്യ നടത്തിയ മിന്നലാക്രമണത്തിന് പിന്നാലെയാണ് സൈനികന്‍ പാക് മണ്ണിലെത്തിയത്. പിന്നീട് അടുത്ത വര്‍ഷം ജനുവരിയില്‍ ഇയാളെ പാകിസ്താന്‍ മോചിപ്പിച്ചു.
https://www.facebook.com/Malayalivartha
