2020- 21 വര്‍ഷത്തെ കേന്ദ്ര ബജറ്റ് ഫെബ്രുവരി ഒന്ന് ശനിയാഴ്ച അവതരിപ്പിക്കും. ബജറ്റ് നടപടികള്‍ മാര്‍ച്ച് 31 ഓടുകൂടി അവസാനിപ്പിക്കുന്നതിന്റെ ഭാഗമായാണ് ഫെബ്രുവരി ഒന്നിന് തന്നെ ബജറ്റ് അവതരിപ്പിക്കുന്നത്. ബജറ്റ് പ്രഖ്യാപനത്തിന് ശേഷം ഏപ്രില്‍ ഒന്ന് മുതല്‍ പദ്ധതി വിഹിതങ്ങള്‍ക്കായി പണം ചെലവഴിച്ച് തുടങ്ങും.

കേന്ദ്ര ബജറ്റിന് മുന്നോടിയായി നടത്തുന്ന സാമ്പത്തിക സര്‍വ്വേ ജനുവരി 31 ന് അവതരിപ്പിക്കാനാണ് കേന്ദ്രത്തിന്റെ തീരുമാനം. രാ​ഷ്​​ട്ര​പ​തി രാം​നാ​ഥ്​ കോ​വി​ന്ദ്​ സെ​ൻ​ട്ര​ൽ ഹാ​ളി​ൽ ഇ​രു​സ​ഭ​ക​ളെ​യും അ​ഭി​സം​ബോ​ധ​ന ചെ​യ്യു​ന്ന​തോ​ടെ​യാ​ണ്​ തു​ട​ക്കം. അ​ന്നു ത​ന്നെ സാ​മ്പ​ത്തി​ക സ​ർ​വേ​യും പാ​ർ​ല​മെന്റിൽ വെ​ക്കും.
ശ​നി​യാ​ഴ്​​ച ധ​ന​മ​ന്ത്രി നി​ർ​മ​ല സീ​താ​രാ​മ​ൻ ലോ​ക്​​സ​ഭ​യി​ൽ ബ​ജ​റ്റ്​ അ​വ​ത​രി​പ്പി​ക്കും. ധ​നാ​ഭ്യ​ർ​ഥ​ന​ക​ൾ സ​ഭാ സ​മി​തി പ​രി​ശോ​ധി​ക്കാ​ൻ പാ​ക​ത്തി​ൽ ആ​ദ്യ​പാ​ദ സ​മ്മേ​ള​നം ഫെ​ബ്രു​വ​രി 11ന്​ ​അ​വ​സാ​നി​ക്കും. മാ​ർ​ച്ച്​ ര​ണ്ടി​ന്​ തു​ട​ങ്ങു​ന്ന ര​ണ്ടാം​പാ​ദ സ​മ്മേ​ള​നം ഏ​പ്രി​ൽ മൂ​ന്നു​വ​രെ നീ​ളും

2019 ല്‍ കേന്ദ്ര ബജറ്റിന് ഒരു ദിവസം മുന്‍പാണ് സാമ്പത്തിക സര്‍വ്വേ അവതരിപ്പിച്ചത്. ജൂലൈ അഞ്ചിനായിരുന്നു പൊതു ബജറ്റ് അവതരിപ്പിച്ചത്.