രാജീവ് ഗാന്ധി വധക്കേസ് പ്രതിയായ നളിനിയോട് സോണിയ ക്ഷമിച്ചതു പോലെ നിർഭയയുടെ അമ്മ പ്രതികളോട് ക്ഷമിക്കണമെന്ന് ഇന്ദിര ജെയ്സിങ് ... അതുപറയാൻ അവരാരാണെന്ന് നിർഭയുടെ അമ്മ...
രാജീവ് ഗാന്ധി വധക്കേസ് പ്രതിയായ നളിനിയോട് സോണിയ ക്ഷമിച്ചതു പോലെ നിർഭയയുടെ അമ്മ പ്രതികളോട് ക്ഷമിക്കണമെന്ന് ഇന്ദിര ജെയ്സിങ് ആവശ്യപ്പെട്ടതിന് ക്ഷുഭിതയായി നിർഭയയുടെ 'അമ്മ. മുതിർന്ന അഭിഭാഷകയാണ് ഇന്ദിര ജെയ്സിങ്..ഞങ്ങൾ നിങ്ങളോടൊപ്പമുണ്ട് പക്ഷേ വധശിക്ഷക്ക് എതിരാണെന്ന് ആണ് ഇന്ദിര ജെയ്സിങ് ട്വീറ്റ് ചെയ്തത്
ആശാദേവിയുടെ വേദന മനസിലാക്കുന്നു. എന്നാൽ അവരോട് സോണിയ ഗാന്ധിയെ മാതൃകയാക്കി പ്രതികളോട് ക്ഷമിയ്ക്കാണ് ഇന്ദിര ആവശ്യപ്പെടുന്നത്.
രാജീവ് ഗാന്ധി വധക്കേസ് പ്രതിയായ നളിനിയോട് സോണിയ ക്ഷമിച്ചു. അവരെ തൂക്കികൊല്ലണമെന്ന ആഗ്രഹം സോണിയക്കില്ലായിരുന്നു..അത് പോലെ നിർഭയ കേസിലെ പ്രതികളെയും വധ ശിക്ഷയിൽ നിന്ന് ഒഴിവാക്കണം ... നിർഭയ കേസ് പ്രതികളുടെ വധശിക്ഷ വൈകുന്നതിൽ പ്രതിഷേധവുമായി നിർഭയയുടെ അമ്മ ആശാദേവി രംഗത്തെത്തിയ സാഹചര്യത്തിലാണ് മുതിർന്ന അഭിഭാഷക ഇന്ദിര ജെയ്സിങ്ങിൻെറ പരാമർശം
അതേസമയം, ഇന്ദിര ജെയ്സിങ്ങിന് ശക്തമായ മറുപടിയുമായി നിർഭയയുടെ അമ്മ ആശാദേവിയും രംഗത്തെത്തി. തനിക്ക് ഇത്തരം ഉപദേശം തരാൻ ഇന്ദിര ജെയ്സിങ് ആരാണെന്ന് അവർ ചോദിച്ചു. ഇങ്ങനെയൊരു നിർദേശം മുന്നോട്ട് വെക്കാൻ അവർക്കെങ്ങനെ ധൈര്യം വന്നുവെന്ന് വിശ്വസിക്കാൻ പോലും തനിക്ക് സാധിക്കുന്നില്ല. ഇവരെ പോലുള്ളവർ ഉള്ളതുകൊണ്ടാണ് രാജ്യത്തെ ബലാൽസംഗ കേസിലെ ഇരകൾക്ക് നീതി കിട്ടാത്തത്. ബലാൽസംഗ കേസ് പ്രതികളെ പിന്തുണച്ചാണ് അവർ ജീവിക്കുന്നത്. അതുകൊണ്ടാണ് രാജ്യത്ത് ബലാൽസംഗങ്ങൾ അവസാനിക്കാത്തത്.
രാജ്യം മുഴുവൻ നിർഭയ കേസ് പ്രതികളെ തൂക്കിലേറ്റണമെന്നാണ് ആഗ്രഹിക്കുന്നതെന്നും അവർ പറഞ്ഞു. കേസിലെ പ്രതികളായ വിനയ്, അക്ഷയ്, പവൻ, മുകേഷ് എന്നിവരെയാണ് വധശിക്ഷക്ക് വിധേയരാക്കുന്നത്. ജനുവരി 22ന് വധശിക്ഷ നടപ്പാക്കാനാണ് നേരത്തെ നിശ്ചയിച്ചിരുന്നതെങ്കിലും പ്രതികൾ തിരുത്തൽ ഹരജിയുമായി മുന്നോട്ട് പോയതോടെ ഇത് നീളുകയായിരുന്നു. ഇപ്പോൾ ഫെബ്രുവരി ഒന്നിന് നിർഭയ കേസ് പ്രതികളെ തൂക്കിലേറ്റാൻ കോടതി മരണവാറണ്ട് പുറപ്പെടുവിച്ചിട്ടുണ്ട്..
https://www.facebook.com/Malayalivartha
