സഹപ്രവർത്തകന്റെ നാലര വയസുള്ള മകൾക്കുനേരെ ലൈംഗികാതിക്രമം നടത്തിയ കേസിൽ സിഐഎസ്എഫ് കോൺസ്റ്റബിളിനെ പോലീസ് അറസ്റ്റ് ചെയ്തു. ഇന്ത്യൻ ഓയിൽ കോർപറേഷന്റെ പാരദിപിലെ ഓയിൽ റിഫൈനറിയിൽ ഹെഡ് കോൺസ്റ്റബിളായ എം കന്ദസ്വാമി (48)യാണ് പിടിയിലായത്. പ്രായപൂർത്തിയാകാത്ത പെൺകുട്ടിയോട് ലൈംഗികാതിക്രമം നടത്തിയതിനാണ് ഇയാൾ പിടിയിലായത്.

ചോക്ലേറ്റ് നൽകാനെന്ന വ്യാജേന ഇയാൾ പെൺകുട്ടിയെ സ്ഥിരമായി വീട്ടിലേക്ക് വിളിച്ചുവരുത്തുമായിരുന്നു. തുടർന്ന് പെൺകുട്ടിയുടെ മുന്നിൽ ഇയാൾ വിവസ്ത്രനായി നിൽക്കും. രണ്ട് ദിവസം മുമ്പ്, ചോക്ലേറ്റ് നൽകാമെന്ന കാരണം പറഞ്ഞ് ഹെഡ് കോൺസ്റ്റബിൾ മകളെ വീട്ടിലേക്ക് വിളിച്ചപ്പോൾ പെൺകുട്ടിയുടെ അമ്മക്ക് സംശയം തോന്നുകയായിരുന്നു.പെൺകുട്ടി തിരിച്ചെത്തിയപ്പോൾ ഇവർ കന്ദസ്വാമിയുടെ പെരുമാറ്റത്തെക്കുറിച്ച് ചോദിച്ചു.തന്നോട് കന്ദസ്വാമി എങ്ങനെയാണ് പെരുമാറുന്നതെന്ന് പെൺകുട്ടി വിശദീകരിച്ചു. ഇതേത്തുടർന്ന് പെൺകുട്ടിയുടെ 'അമ്മ പരാതി നൽകുകയായിരുന്നു എന്ന് അഭയചന്ദ്പൂർ പോലീസ് സ്റ്റേഷൻ ഇൻസ്പെക്ടർ ജുഗൽ ദാസ് പറഞ്ഞു.

ഇതേത്തുടർന്ന് കന്ദസ്വാമിയെ പൊലീസ് കസ്റ്റഡിയിലെടുത്തു. ഇയാൾക്കെതിരെ ഐ.പി.സി, പോക്സോ നിയമത്തിലെ വകുപ്പുകൾ എന്നിവ പ്രകാരമാണ് കേസ് രജിസ്റ്റർ ചെയ്തത്.