ഛത്തീസ്‍ഗഢില്‍ വനിത മാവോയിസ്​റ്റ്​ കൊല്ലപ്പെട്ടു. സുരക്ഷാസേനയുമായുള്ള ഏറ്റുമുട്ടലിലാണ് മാവോയിസ്​റ്റ്​ കൊല്ലപ്പെട്ടത്. ബിജാപൂരിലെ വനമേഖലയിലാണ്​ ഏറ്റുമുട്ടലുണ്ടായത്​. പ്രദേശത്ത്​ സി.ആര്‍.പി.എഫും പൊലീസും സംയുക്തമായി തെരച്ചില്‍ നടത്തുകയായിരുന്നു. തിങ്കളാഴ്​ച രാവിലെയാണ്​ മാവോയിസ്​റ്റ്​ യൂനിഫോം ധരിച്ച സ്​ത്രീയുടെ മൃതദേഹം കണ്ടെടുത്തത്​.

തീകല്‍ഗുഡം, ബാസാഗുഡ ഗ്രാമങ്ങളില്‍ മാവോയിസ്​റ്റുകള്‍ ഒളിച്ചിരിക്കുന്നുവെന്ന വിവരത്തെ തുടര്‍ന്ന്​ പ്രത്യേകസേനയായ കോബ്ര ഫോഴ്​സ​ും മറ്റ്​ സേനകളും ചേര്‍ന്ന്​ തെരച്ചില്‍ നടത്തുകയായിരുന്നു. ഏറ്റുമുട്ടല്‍ നടന്ന പ്രദേശത്ത് സുരക്ഷാസേന തെരച്ചില്‍ തുടരുകയാണ്.