നാളെ നടക്കാനിരുന്ന നിർഭയ കേസിലെ പ്രതികളുടെ വധ ശിക്ഷ സ്റ്റേ ചെയ്തതിന് പിന്നാലെ പൊട്ടികരഞ്ഞ് നിർഭയയുടെ മാതാവ് ആശാ ദേവി. പുതിയ ഉത്തരവ് വരുന്നത് വരെ മരണ വാറന്റ് സ്റ്റേ ചെയ്തരിക്കുകയാണ്.  എന്നാൽ നീതിക്കായിട്ടുള്ള പോരാട്ടം തുടരുമെന്ന് നിർഭയയുടെ അമ്മ ആശ ദേവി വ്യക്തമാക്കി. പ്രതികളുടെ വധശിക്ഷ നടക്കില്ലെന്ന് വെല്ലുവിളിക്കുകയാണ്. കോടതിയും സര്‍ക്കാരും കുറ്റവാളികള്‍ക്കൊപ്പമാണ് നില്‍ക്കുന്നതെന്നും ആശാദേവി പറഞ്ഞു . ഇവര്‍ക്ക് ശിക്ഷ നല്‍കിയില്ലെങ്കില്‍ ഭരണഘടന തന്നെ കത്തിച്ചുകളയണമെന്ന് നിർഭയയുടെ അമ്മ പറഞ്ഞു.

നിർഭയ കേസിലെ പ്രതികളുടെ വധശിക്ഷ നടപ്പാക്കുന്നത് നീട്ടിക്കൊണ്ടുള്ള സുപ്രീംകോടതി വിധി വന്നതിന് പിന്നാലെ പൊട്ടിക്കരഞ്ഞുകൊണ്ടായിരുന്നു നിര്‍ഭയയുടെ അമ്മ മാധ്യമങ്ങളോട് പ്രതികരിച്ചത്. ഈ നാട്ടില്‍ പെണ്‍ക്കുട്ടികള്‍ക്ക് ഒരു വിലയുമില്ലെന്ന് നിര്‍ഭയയുടെ അമ്മ പ്രതികരിച്ചു. പ്രതികള്‍ നിയമ വ്യവസ്ഥയെ പരിഹസിക്കുകയാണെന്നും അവർ പറഞ്ഞു . ഈ വ്യവസ്ഥയില്‍ വിശ്വാസമില്ലെന്നും നിര്‍ഭയയുടെ അമ്മ കൂട്ടിച്ചേര്‍ത്തു. വധ ശിക്ഷ സ്റ്റേ ചെയ്തതോടെ ഇത് ഇനി നടക്കുമോ എന്ന സംശയം വരെ ഉയർന്നു കഴിഞ്ഞിരിക്കുന്നു. ആ മാതാവിനൊപ്പം പല അമ്മ മനസ്സുകളിലും ഉയരുന്ന സംശയമാണിത്.