ലോകം ഒന്നടങ്കം കൊറോണ ഭീതിയിലാണ്. ഇന്ത്യയിൽ കഴിഞ്ഞ 24 മണിക്കൂറിനിടെ 42 പേര്‍ക്കു കൂടി കൊറോണ വൈറസ് ബാധ സ്ഥിരീകരിച്ചതായി ആരോഗ്യമന്ത്രാലയതിന്റെ റിപ്പോർട്ട്. നാലുപേര്‍ മരിച്ചതായും റിപ്പോർട്ടിൽ പറയുന്നു. ഇതോടെ രാജ്യത്തെ ആകെ കൊറോണ ബാധിതരുടെ എണ്ണം 649 ആയതായും ഡല്‍ഹിയില്‍ വാര്‍ത്താസമ്മേളനത്തില്‍ ആരോഗ്യമന്ത്രാലയം ജോയിന്റ് സെക്രട്ടറി ലവ് അഗര്‍വാള്‍ അറിയിച്ചു.

കോവിഡ് രോഗികള്‍ക്കു മാത്രമായി ആശുപത്രികള്‍ സജ്ജമാക്കണമെന്ന കേന്ദ്ര ആരോഗ്യമന്ത്രാലയത്തിന്റെ അഭ്യര്‍ഥന പരിഗണിച്ച്‌ 17 സംസ്ഥാനങ്ങള്‍ അത്തരം ആശുപത്രികള്‍ തയ്യാറാക്കിയതായും അദ്ദേഹം അറിയിച്ചു . കൊറോണ ബാധിതരുടെ എണ്ണത്തില്‍ വര്‍ധനയുണ്ടാകുന്നുണ്ട്. എന്നാല്‍ അത് വലിയതോതിലുള്ള വര്‍ധനവല്ല. ഇത് ആദ്യഘട്ടത്തിലെ ട്രെന്‍ഡ് ആണെന്നും ലവ് അഗര്‍വാള്‍ വ്യക്തമാക്കി.

ഇന്ത്യയില്‍ ഇതിനോടകം 13പേര്‍ക്കാണ് കൊറോണ മൂലം ജീവന്‍ നഷ്ടമായത്. കൊറോണ വ്യാപനം തടയുന്നതിന്റെ ഭാഗമായി രാജ്യത്ത് 21 ദിവസത്തേക്ക് ലോക്ക്ഡൗണ്‍ പ്രഖ്യാപിച്ചിരിക്കുകയാണ്.

ലോകത്താകമാനം ഇതിനോടകം അഞ്ചുലക്ഷത്തോളം പേര്‍ക്ക് കൊറോണ ബാധിച്ചു. 21,000 പേര്‍ക്ക് ജീവന്‍ നഷ്ടമായി. ഏറ്റവും ഉയര്‍ന്ന മരണസംഖ്യ ഇറ്റലിയിലാണ്. 7503 പേരാണ് മരിച്ചത്. കൊറോണ അതിവേഗം പടരുന്ന സ്‌പെയിനില്‍ നാലായിരത്തിലധികം പേര്‍ക്കും ജീവന്‍ നഷ്ടമായി. അമേരിക്കയിലും ജര്‍മനിയിലും കൊറോണ അതിവേഗം പടര്‍ന്നുപിടിക്കുകയാണ്. കൊറോണവ്യാപനം തടയുന്നതിന്റെ ഭാഗമായി വിവിധരാജ്യങ്ങള്‍ ഏര്‍പ്പെടുത്തിയ യാത്രാവിലക്ക് ബാധിച്ചിരിക്കുന്നത് 1.5 ബില്യന്‍ ജനങ്ങളെയാണ്.

കോ​വി​ഡ്-19 വൈ​റ​സി​നെ പ്ര​തി​രോ​ധി​ക്കു​ന്ന​തി​നായുള്ള പ്ര​വ​ര്‍​ത്ത​ന​ങ്ങ​ള്‍ ഏ​കോ​പി​പ്പി​ക്കു​ന്ന​തി​നാ​യി സം​സ്ഥാ​ന സ​ര്‍​ക്കാ​ര്‍ വാ​ര്‍ റൂം ​തു​റന്നു. സെ​ക്ര​ട്ട​റി​യേ​റ്റി​ല്‍ 24 മ​ണി​ക്കൂ​റും പ്ര​വ​ര്‍​ത്തി​ക്കു​ന്ന വാ​ര്‍ റൂ​മാ​ണ് സ​ജ്ജ​മാ​ക്കി​യി​രി​ക്കു​ന്ന​ത്. ഐ​എ​എ​സ് ഉ​ദ്യോ​ഗ​സ്ഥ​ന്‍ ഇ​ളേ​ങ്കാ​വ​ന്‍റെ നേ​തൃ​ത്വ​ത്തി​ലാ​ണ് വാ​ര്‍ റൂം ​പ്ര​വ​ര്‍​ത്തി​ക്കു​ക. ലോ​ക്ഡൗ​ണി​ലേ​ക്ക് സം​സ്ഥാ​നം ക​ട​ന്ന ഘ​ട്ട​ത്തി​ല്‍ പ്ര​തി​രോ​ധ, മു​ന്‍​ക​രു​ത​ല്‍ പ്ര​വ​ര്‍​ത്ത​ന​ത്തി​ല്‍ ഒ​രു പാ​ളി​ച്ച​യും വി​ട്ടു​വീ​ഴ്ച​യും പാ​ടി​ല്ലെ​ന്ന വി​ല​യി​രു​ത്ത​ലി​ന്‍റെ അ​ടി​സ്ഥാ​ന​ത്തി​ലാ​ണ് വാ​ര്‍ റൂം ​സജ്ജമാക്കിയത്.