ലോക്ക് ഡൗണ് നിര്ദ്ദേശങ്ങള് പാലിക്കാതെ ഒരാള് പുറത്തിറങ്ങി നടക്കുന്നു എന്ന പരാതി കിട്ടിയതോടെ പൊലീസ് പാഞ്ഞെത്തി, നിര്ദ്ദേശം ലംഘിച്ച് കറങ്ങിനടന്ന അമ്പത്തൊമ്പതുകാരനെ കസ്റ്റഡിയിലെടുത്ത് നടപടികള് പൂര്ത്തിയാക്കി പരാതിക്കാരനെ വിളിച്ചപ്പോള് പോലീസ് ഞെട്ടി....
ലോക്ക് ഡൗണ് നിര്ദ്ദേശങ്ങള് പാലിക്കാതെ ഒരാള് പുറത്തിറങ്ങി നടക്കുന്നു എന്ന പരാതി കിട്ടിയതോടെ പൊലീസ് പാഞ്ഞെത്തി. നിര്ദ്ദേശം ലംഘിച്ച് കറങ്ങിനടന്ന അമ്പത്തൊമ്പതുകാരനെ കസ്റ്റഡിയിലെടുത്തു. നടപടികള് പൂര്ത്തിയായ ഉടന് പൊലീസ് പരാതിക്കാരനെ വിളിച്ച് കാര്യം പറഞ്ഞു. മറുതലയ്ക്കല് നിന്നുള്ള മറുപടികേട്ട് പൊലീസുകാര് ഞെട്ടിപ്പോയി. അറസ്റ്റിലായ വ്യക്തിയുടെ മകനായിരുന്നു പരാതിക്കാരന്. ഡല്ഹിയിലാണ് സംഭവം.
ലോക്ക് ഡൗണ് നിയമം പാലിക്കാത്ത അച്ഛനെതിരെ പരാതി നല്കി മകന്. ദില്ലിയിലെ വസന്ത് വിഹാറിലാണ് 59കാരനായ അച്ഛനെതിരെ മകന് പരാതി നല്കിയത്. മകന്റെ പരാതിയില് പൊലീസ് കേസെടുത്തു. തെക്ക്പടിഞ്ഞാറന് ദില്ലിയിലെ വസന്ത് വിഹാറിലാണ് ലോക്ക് ഡൗണ് നിബന്ധനകള് പാലിക്കാത്ത അച്ഛനെതിരെ മകന് പരാതി നല്കിയത്.
രാജ്യത്ത് സമ്ബൂര്ണ്ണ അടച്ചപൂട്ടല് പ്രഖ്യാപിച്ച ശേഷം അനാവശ്യനായി പുറത്തിറങ്ങരുതെന്ന് നിര്ദ്ദേശം അച്ഛന് പാലിക്കുന്നില്ലെന്നാണ് മുപ്പത് വയസ്സുകാരനായ മകന് അഭിഷേക് അച്ഛന് വിജേന്ദ്രസിങ്ങിനെതിരായി നല്കിയ പരാതിയില് പറയുന്നത്. പ്രഭാതവ്യായാമം ഒഴിവാക്കണം എന്ന നിര്ദ്ദേശം അച്ഛന് പാലിക്കുന്നില്ല. പലതവണ വാഹനത്തില് പുറത്ത് പോകുന്നു. ദില്ലിയില് അതിസങ്കീര്ണ്ണമായ സാഹചര്യം നിലനില്ക്കുമ്ബോഴും പിതാവിന് ഈക്കാര്യം മനസ്സിലാകുന്നില്ലെന്നും ഇതില് വേണ്ട നടപടികള് സ്വീകരിക്കണമെന്നും പൊലീസിനോട് ആഭ്യര്ത്ഥിക്കുന്നുവെന്നുമായിരുന്നു മകന്റെ പരാതി. എന്തായാലും പരാതിയുടെ അടിസ്ഥാനത്തില് വിജേന്ദ്രസിങ്ങിനെ സ്റ്റേഷനില് വിളിച്ചുവരുത്തി താക്കീത് നല്കിയതായി പൊലീസ് അറിയിച്ചു. സംഭവത്തില് കേസും എടുത്തിട്ടുണ്ട്.
അതേ സമയം നിസാമുദ്ദീന് തബ്ലീഗ് സമ്മേളനത്തില് പങ്കെടുത്തവരില് 12 പേര് കോവിഡ് ബാധിച്ചു മരിച്ചതായി കേന്ദ്ര ആരോഗ്യ മന്ത്രാലയം. സമ്മേളനത്തില് പങ്കെടുത്ത 647 പേര്ക്കു രോഗം സ്ഥിരീകരിച്ചെന്നും ആരോഗ്യ ജോയിന്റ് സെക്രട്ടറി ലവ് അഗര്വാള് പറഞ്ഞു. രാജ്യത്തെ മൊത്തം രോഗബാധിതരില് 28 ശതമാനവും സമ്മേളനത്തില് പങ്കെടുത്തവരും അവരുമായി സമ്പര്ക്കം പുലര്ത്തിയവരുമാണ്.
നിസാമുദ്ദീന് തബ്ലീഗ് മസ്ജിദില് തങ്ങിയവരെ ഒഴിപ്പിക്കാന് നേതൃത്വം നല്കിയ ഡല്ഹി പൊലീസിലെ 14 പേര് രോഗലക്ഷണങ്ങളോടെ നിരീക്ഷണത്തിലാണ്. യുപിയില് ഇന്നലെ രോഗം സ്ഥിരീകരിച്ച 172 പേരില് 42 പേര് സമ്മേളനത്തില് പങ്കെടുത്തവരാണ്. സമ്മേളനം കഴിഞ്ഞുമടങ്ങിയ 26 പേര് നേപ്പാളിലെ കഠ്മണ്ഡുവില് ക്വാറന്റീനിലുണ്ട്. അതിനിടെ, സമ്മേളനശേഷം കോവിഡ് ലക്ഷണങ്ങളുമായി പ്രവേശിപ്പിക്കപ്പെട്ട 6 പേര് നിര്ദേശങ്ങള് പാലിക്കുന്നില്ലെന്നും ജീവനക്കാരോടു മോശമായി പെരുമാറുന്നുവെന്നും ആരോപിച്ച് ഗാസിയാബാദ് എംഎംജി സര്ക്കാര് ആശുപത്രി ചീഫ് മെഡിക്കല് ഓഫിസര് നല്കിയ പരാതിയില് 6 പേര്ക്കെതിരെ യുപി പൊലീസ് കേസെടുത്തു. ഇവര്ക്കെതിരെ ദേശീയ സുരക്ഷാ നിയമം (എന്എസ്എ) പ്രയോഗിക്കാന് യോഗി ആദിത്യനാഥ് സര്ക്കാര് നിര്ദേശിച്ചു.
ഡല്ഹിയില് ആശുപത്രിയില് കഴിയുന്നവര് സഹകരിക്കുന്നില്ലെന്നും പൊലീസ് കാവല് വേണമെന്നും പറഞ്ഞ് സംസ്ഥാന ആരോഗ്യ സെക്രട്ടറി പത്മിനി സിംഗ്ല ഡല്ഹി പൊലീസ് കമ്മിഷണര് എസ്.എന്. ശ്രീവാസ്തവയ്ക്കു കത്തു നല്കി. രോഗികളിലൊരാള് കഴിഞ്ഞ ദിവസം രാജീവ് ഗാന്ധി സൂപ്പര് സ്പെഷാലിറ്റി ആശുപത്രിയിലെ മുകള്നിലയില് നിന്നു ചാടി ജീവനൊടുക്കാന് ശ്രമിച്ചിരുന്നു. തബ്ലീഗ് മര്കസില്നിന്ന് ഒഴിപ്പിച്ച 1810 പേരാണു ഡല്ഹിയിലെ വിവിധ ആശുപത്രികളിലുള്ളത്.
"
https://www.facebook.com/Malayalivartha
